Screen Size

VOLG ONS IDEES OM DIE LEKKERSTE VAKANSIE OF WEGBREEK TE BEPLAN!

FAMILIE WEGBREEK

Families vind goud in mekaar met elke wegbreek saam. Langpad liedjies word oorverdowend hard in die kar gesing terwyl jy “ek sien iets met my kleine kleine ogie” speel. Dan uiteindelik vind jou kar die bestemming waar nuwe familie herinneringe geraam gaan word. Beplan jy ‘n vinnige impromptu wegbreek of ‘n lekker langpad vakansie? Dit alles sal jy sommer maklik hier kan opspoor. Iets vir elke gesin. Hou julle van rustig gesels en games speel voor ‘n kaggelvuur of is julle adrenalien junkies? Bang vir die see maar braaf vir berge? Bind sommer nou ‘n toutjie om jou oor en omring jou vakansie datums met ‘n reënboogkleurpen. Beplanning vir ‘n familie wegbreek was nog nooit so gerieflik en maklik nie.

WHALESONG HOTEL & SPA (PLETTENBERG)

Die juweel van die Tuinroete. Die familie-vriendelike Whalesong Hotel & Hydro staan soos 'n seer oog uit in die hartjie van Plettenbergbaai se Tuinroete. Die strandtema is duidelik sigbaar in die 24 kamers met luukse en-suite badkamers die wit en blou van die see weerspieël. 18 van die kamers het hulle eie privatehoutdek wat gaste 'n blik gee op die Keurbooms-kuslyn, Tsitsikammaberg-reeks en die eindelose diep blousee. Die voordeelvan Whalesong is dat alles binne stapafstand is. 'n Top gehalte restaurant, Whales Restaurant, is op die perseel geleë en trek onmiddellik aandag met sy panoramiese uitsigte en smullekker seekos-geregte. Net 'n klipgooi van die restaurant sal jy The Greenhouse Hair Salon & Spa vind, 'n plek wat bekend is in die omgewing vir pamperlangsessies.


WATERFALL SAFARI LODGE (MIDDELBURG)

Die vreedsame bosveld ligging gemeng met die warm gasvryheid van die vriendelik personeel is wat Waterfall Safari Lodge so besonders maak. Waterfall Safari Lodge is deel van die Forever Resorts groep wat bekend is vir onvergeetlike bekostigbare vakansies, enige tyd van die jaar. Besoekers aan die Lodge kan uitsien na ‘n avontuurlustige 4x4 roete, ‘n asemrowende piekniek langs die beeldskone waterval en die idiliese rotsswembad waarin besoekers lekker kan afkoel in die somermaande. Van lekker gesinsvakansies tot ‘n romantiese troues. Waterfall Safari Lodge beskik ook oor ‘n aangename en baie gewilde restaurant, 6 slaper gastehuis en karaktervolle houteenhede wat slaapplek bied vir twee tot vier gaste. Die kampeerterrein is slegs vir 4x4 karavane, klein en intiem waar jy die naggeluide nog suiwer kan hoor.


RIVIERA ON VAAL (VEREENIGING)

The Riviera is an exceptional inland resort flanking the Riviera on Vaal Resort with golf course and spa facilities. The resort also include various restaurants, water sport, gym, car rental, river cruises and child friendly facilities which are underpinning its allure. The hotel is an easy 45 minutes’ highway drive from Johannesburg. All rooms at Riviera on Vaal Resort have spectacular views of the river. The Riviera offers a selection of standard rooms, family rooms, executive and garden suites. The rooms are well-appointed and furnished in old world charm style. 

Riviera on Vaal offers a wide range of conference packages that can be tailor-made to suit every customer. With five different conference and function venues which can be arranged in cinema, boardroom, schoolroom, U-shape, banqueting and cocktail-style seating. Each conferencing facility is equipped with the latest conferencing equipment, air-conditioning and Wi-Fi. Our dining experiences are enhanced by unsurpassed culinary and unique old world ambiance. Dining inside or on the terrace, our well-known and loved dining and sundowner facility overlooking the Vaal River. 


DINKWENG SAFARI CAMP (VAALWATER)

Dinkweng Safari Camp is slegs 3 ure se ry vanaf Johannesburg. Die naaste dorpie Vaalwater, is 45 km vanaf die kamp, waarvan 11 km grondpad is. Dinkweng Safari Camp bied luukse verblyf in 'n keuse van 3 en-suite slaapkamer selfsorg-eenhede. Elke eenheid het ruimte en privaatheid. Elke eenheid het 'n volledig toegeruste kombuis en 'n oopplan sit- en eetkamer sowel as 'n platskerm-TV wat sekere DStv-kanale opvang. Ontspan buite in jou eie plonspoel met braai-area en 'n dek wat oor die vallei met sy ongelooflike Afrika-sonsondergange uitkyk. Die eenhede word daagliks gediens. Dinkweng is die plek om te ontspan en die natuur te geniet.


EHLATHINI GAME LODGE (LIMPOPO) WATERBERGE

Ehlathini Game Lodge is geleë in die Waterberge. Met die rustigheid en eiesoortige bekoring van die Bosveld-natuurskoon is hierdie die perfekte familie wegbreek, hier in ‘n unieke kombinasie met gesofistikeerde verblyf en diens ingespan om natuur- en wildkykliefhebbers behoorlik te bederf. Akkommodasie sluit in ‘n lodge met drie stylvolle en-suite kamers wat onder meer op ‘n wildwatergat uitkyk, asook nommerpas chalets met selfsorgopsies. Voeg hierby boma-aandetes onder die sterre, staproetes in die natuur tussen kameelperde, sebras en verskeie wildspesies, wildritte, soel-stil aande langs die swembad onder die helderste, wye Afrika-sterrekoepel. 



LOEBIES PREDATOR PARK (LIMPOPO) BELA BELA

Al ooit die koning van die oerwoud hoor brul? By Loebies Gaste Plaas sal jy beslis die ervaring kan geniet! ‘n Roofdier plaas wat jy saam jou familie die geleentheid bied om meer te leer oor ons pragtige land se unieke roof diere. Loebies Gaste Plaas is slegs ‘n 2ure rit Noord van Jhb en 20 minute vanaf Bela-Bela. Ideal vir ‘n vinnige ontsnap vanuit die besige gekreun van die stad, hetsy dit vir romanse is, of vir ‘n bosveld vuur wat kraak geluide laat onstsnap. Die Waterberg-reeks is die huisvesting van talle roemryke roofdiere, veral op Loebies Gasteplaas. Verblyf geriewe het verskeie opsies om van te kies, van ‘n Leeu huis tot ‘n Dam huis. Of jy nou wil roei op die dam en of jy op ‘n begeleide toer tussen die roofdiere wil wandel, of jy wil ontspan of herlaai-watokal die keuse, dit is beslis hoe jy sal wegry vanaf Loebies Gaste Plaas.


RIVER EDGE (WES-KAAP) BREEDE RIVIER

Is jy en jou gesin gaande oor die buitelewe? Dan is River Edge nommerpas vir julle volgende familie wegbreek. Hierdie besonderse akkommodasie bestemming is geleë sowat 'n uur se ry vanaf Kaapstad, tussen Wolseley en Worcester. Hier kan jy teen die oewer van die lowerryke Breede Rivier tuisgaan in pragtige kothuise of kampeer in 'n ten volle toegeruste kampeerterrein. Die rivierhuisies is uit klip gebou en bied luukse akkommodasie in verskillende konfigurasies wat geskik is vir familie vakansies. Die huisies beskik oor elk oor 'n oopplan-kombuis, 'n leefarea met 'n kaggel, sowel as 'n stoep met 'n jacuzzi en 'n buitebraai -  terwyl jy uitkyk oor die rivier. 


GOURIKWA RESERVE (WES-KAAP) MOSSELBAAI

Geleë tussen Mosselbaai en Stilbaai bied Gourikwa talle aktiwiteite vir enige vakansieganger. Kothuisies, vissermanshuisies en villas is genoeg verblyf opsies vir enige aangeleentheid. Gourikwa bied 'n reeks aktiwiteite soos bergfiets- en staproetes, walvis loer, snorkel poele en voëlkyk punte. Gourikwa het ook fasiliteite om jou boot self in die water te launch en die vangs van die dag terug te bring. Gourikwa kan tot 200 gaste akkommodeer in hul onthaal saal en slaap plek vir 140 gaste. Of jy 'n romantiese breek soek, spanbou, 'n beplanning sessie vir jou werk of 'n avontuur belaaide vakansie-Gourikwa is die plek vir jou!



HOOGLAND SPA (LIMPOPO) BELA BELA

Hoogland Spa Vamilie-oord is geleë in Bela-Bela, die gewilde wegbreekbestemming. Hier kan gaste tuisgaan in heerlike selfsorg-chalets met al die geriewe wat mens nodig het vir 'n lekker wegbreek met jou gesin of groep vriende. Dit sluit volledig toegeruste selfsorgkombuise, privaat braai-geriewe, lugversorging, DStv-hotelpakkette en toegang tot 'n ontspanningsarea in waar besoekers kan afkoel in die swembad, of meeding in pool, tafeltennis en foosball. Geniet gehalteverblyf in 'n rustige omgewing en verken die die Limpopo provinsie se mees gesogte attraksies vanaf 'n gerieflike ligging. 


ATKV-OORDE GESINSVAKANSIE IN SA

Elke oord is ’n veilige, ontspanne lushof waar jy jou kan tuismaak vir ’n onvergeetlike gesinsvakansie, ’spanbousessie, jou droomtroue of ’n kulturele ontdekkingsreis! Al die oorde spog met gerieflike selfsorgverblyf, woonwaparke en luukse eenhede waarvan die graderings tussen twee- en vierster wissel. Daar is heerlike eetplekke, sonnige speelplekke, plekke vir salige ontspanning en aksie vir Afrika! Die oorde bied hope pret, soos minigholf, warm- en kouewaterswembaddens, waterwurms, muurbal- en vlugbalbane, springmatte, staproetes, perdry en baie meer vir oud en jonk. Die voordeel is dat jy per eenheid bespreek en nie p/p nie. Dit is dus ware bekostigbare gesinsvakansies. Met pretnaweke en vakansies word goeie gesinsvermaak gebied.


BADPLAAS A FOREVER RESORT (MPUMALANGA)

Hierdie bekroonde Mpumalanga oord is bekend vir sy warm mineralebron. Slegs 2,5 uur se ry van Gauteng af neem jou na ‘n ongelooflike plek waar herinneringe gemaak word. Akkommodasie behels hotel kamers, selfsorg chalets, selfsorg rondawels, hout hutte en gaste huise. Die 300 karavaan en tent staanplekke kyk uit oor die rervaat en is toegerus met kragpunte. Die kamp bied ook netjies ablusie fasiliteite aan. Vir jou ontspanning is daar beide warm en koue minerale swembaddens binnenshuis sowel as buitemuurs. Die hidro-spa bied ‘n verskeindheid behandelinge aan wat jou jonk en lewenskragtig sal laat voel.



WILDERNESS HOTEL (WES-KAAP) TUINTOETE

Kom ontdek ’n versteekde juweel op die drumpel van die suidkus se uitgestrekte strande. The Wilderness Hotel bied 150 slaapkamers met ’n verskeidenheid slaapopsies vir families, paartjies of enkelpersone. Die Deluxe, Luxury, Classic en Standard opsies sluit almal ensuite slaapkamers, lugverkoeling en ’n pragtige uitsig in - perfek vir familievakansie. Geniet luilekker dae langs die swembad, speel ’n potjie tennis of bederf jouself met ’n spabehandeling. Geleë net straataf van die N2 kronkels van die prentjiemooi Tuinroete, is die hotel slegs 45 minute vanaf Mosselbaai of Knysna en minder as ’n uur vanaf Oudtshoorn - perfek vir enige daguitstappie! 



BINGELELA RESTAURANT, BED EN ONTBYT (KZN)

Geleë in die Noordelike dele van Die Drakensberg, rus die Bingelela kontemporêre restaurant en bed-and­­-breakfast. Hierdie wêreldklas bestemming pronk met ‘n 200km bergagtige landskap, wat plaaslike en nasionale besoekers ‘n titseltjie vrede bied weg vanaf die stad se gedruis. Bingelela restaurant kan gemaklik 120 gaste huisves, wat ‘n puik keuse is vir enige eind-jaar funksie en troues. 10 Grasdak rondawels tussen eeue-oue bloekombome, tesame met 2 selfsorg opslaan huisies , wat toegerus is met en-suite badkamers, is perfek om te kan ontspan. Met naby geleë golfbane, staproetes en die Royal Nasionale Park is Bingelela is perfek vir ‘n familie wegbreek. 



ABBA GAME LODGE (LIMPOPO) NYLSTROOM

Slegs 17 kilometer noord van Modimolle (Nylstroom), teen die hange van die Waterberge, wag Abba Game Lodge vir jou as die perfekte familie vakansie. Hierdie oase van bome en wildslewe in die bosveld word afgerond met ’n pragtige natuurlike dam en hope pret vir die hele gesin. Kies en keur onder andere uit visvang, staproetes, putt-putt, buitelug skaak en vlugbal of ontspan by die restaurant en bar na ’n aktiewe dag vol avontuur. Opsies vir akkommodasie sluit in gesellige selfsorg-chalets, sowel as ’n karavaan- en kampeerterrein. Die chalets het slaapopsies vir 2-8 mense met ’n kuierkombuis en eetkamer, braaiplek en ensuite badkamer. 



WEESGERUS VAKANSIEOORD (LIMPOPO) MODIMOLLE

‘n Bosveld-oase in die skilderagtige Waterberge, ‘n pragoord sowat 3km van Modimolle. Topkwaliteit tot ‘n groot verskeidenheid voortreflike geriewe en pragtige akkommodasie.  Voorsiening is gemaak vir alle verblyfbehoeftes en sluit in smaakvol gemeubileerde chalets, ‘n gastekamerkompleks, 133 moderne karavaan en 12 tentstaanplekke met elektrisiteit, asook ‘n gastehuis met en-suite kamers. Avontuurlustiges en sportgeesdriftiges kan hul gate uit geniet op die waterglygeut, trapkarbaan, drie buitelugswembaddens en twee warm binnenshuise swembaddens, jukskei-, vlugbal en tennisbane, ‘n 3km voetspad en uitmuntende putt-putt-baan. 



SONDELA NATUURREERVAAT (LIMPOPO)

Word deel van die Sondela Natuurreservaat Familie!  Die hele gesin is welkom by Sondela-Natuurreservaat in die hartjie van die Limpopo Bosveld.Boonop hoef jy nie ure lank te ry of te bekommer oor die brandstofprys nie, want Sondela is net 90 minute se ry vanaf Johannesburg. Regdeur die jaar word daar pad- en bergfietswedrenne, asook landloopwedrenne op dié +/- 4000 ha reservaat gehou en die kinders kan deelneem aan die bekende veldwagterprogram propvol pret!  Sondela het ook warm- en koueswembaddens, ʼn klimraam, ʼn boomhuis, ʼn vlugbalbaan én ʼn teikenskietbaan. Komaan… bring die hele familie en raak deel van ons familie!


OAKHURST HOTEL (WES-KAAP) GEORGE

In die hartjie van George, binne stapafstand van plaaslike besienswaardighede en die dorp se beste koppie koffie, lê ouwêreldse luuksheid vir jou en wag. Die Oakhurst Hotel bied elegante ensuite, lugverkoelde, slaapkamers, sowel as fasiliteite vir persone met gestremdhede. Onstpan langs die swembad in die somer of geniet ’n drankie voor die kaggelvuur as die Tuinroete se weer jou onderdak hou. Stap af in die straat na die Botaniese Tuine of kies en keur uit strande, gholfbane en staproetes in die omgewing. Die hotel se restaurant bied ontbyt, aandetes en middagetes, sowel as peuselhappies. Slegs 10 kilometer vanaf George lughawe.



Copyright © VakansiePlekke 2019 - All rights reserved.  |  Privacy Policy