Screen Size

VOLG ONS IDEES OM DIE LEKKERSTE VAKANSIE OF WEGBREEK TE BEPLAN!

KWAZULU-NATAL WEGBREEK

Kwazulu-Natal het ‘n sub-tropiese kuslyn met ‘n reeks somer son strande wat warm water reg deur die jaar belowe. Die Midlands spog met romantiese grasgroen landskappe en die Drakensberge vorm die valleie waar die unieke Zululand geleë is. Durban is die hoofstad van Kwazulu-Natal. In hierdie stad sal jy die geur van Indiese cuisine nie kan weerstaan nie, terwyl plaaslikes hulle lyne natmaak in die water. Besoek gerus Ushaka Marine World terwyl jy die hoofstad verken, of vang ‘n paar golwe met jou surfboard. Kwazulu-Natal is opgekrul in die Oostelike deel van Suid-Afrika en grens aan Mozambiek se suidelike punt. Die provinsie sal jou die geleentheid gee om die groot vyf te bewonder sonder die gevaar van ‘n malaria gebied. Watervalle, golfbane en wêreldklas diepsee duik trips is enige vakansieganger se droom. Die provinsie het ‘n ritme en geur wat enige avontuur liefhebber sal laat dans van lekkerte.

TO STRAND VAKANSIEOORD (LEISURE BAY)

TO Strand is 'n uitsonderlike vakansieoord binne trefafstand van Port Edward. Hier kan vakansiegangers uitsien na gesinsvriendelike selfsorg-akkommodasie en 'n groot verskeidenheid doendinge wat selfs die mees kieskeurige lid van die gesin sal vermaak. Verblyf word verskaf in die vorm van een- en twee-slaapkamer chalets, en besoekers is ook welkom om gebruik te maak van kampeergeriewe as hulle die woonwa wil saambring. Die oord se vermaak-opsies sluit mini-golf, vlugbal, tennis, visvang, branderplankry, staproetes, bergfietsroetes en kayak-ry in. Daar is ook twee swembaddens, vakansieprogramme vir die kinders in seisoen, 'n restaurant, kroeg en winkel op die perseel. Beste van alles - jy kan sommer ook jou troue hier hou! Die TO Strand-span staan gereed om jou spesiale dag seepglad te laat verloop.



BEACH FOREST LODGE (BALLITO)

Slegs 400 meter vanaf Ballito strande. Met uitkyke oor die tropiese woude eg aan Suid-Afrika se Suidkus, bied Beach Forest Lodge 'n vakansie wat nie vinnige vergete sal gaan nie. Selfsorgeenhede, elk met private ingang, patios, braai areas en swembaddens bied enige vakansieganger 'n wel-verdiende ruskansie. Alle eenhede is toegerus met DSTV, lugverkoeling en Wi-Fi. Slegs 13km's vanaf King Shaka internasionale lughawe, 'n katspoegie vanaf die restaurante en winkels sorg dat hierdie sentraal gelee paradys rus vir enige siel sal bied. As dit nie reeds genoeg is nie, is Beach Forest troeteldier vriendelik in seker eenhede! Naby gelee aktiwiteite sluit golf, diepsee duik, snorkel en nog vele meer in. Hierdie bestemming is perfek vir 'n familie vakansie, 'n romantiese wegbreek. 


BINGELELA BED AND BREAKFAST (DRAKENSBER)

Geleë in die Noordelike dele van Die Drakensberg, rus die Bingelela kontemporêre restaurant en bed-and­­-breakfast. Hierdie wêreldklas bestemming sal besoekers ‘n titseltjie vrede bied weg vanaf die stad se gedruis. Bingelela restaurant kan gemaklik 120 gaste huisves, wat ‘n puik keuse is vir enige konferensie, eind-jaar funksie, troues of enigeiets van die soort. 10 Grasdak rondawels tussen eeue-oue bloekombome, tesame met 2 selfsorg opslaan huisies , wat toegerus is met en-suite badkamers, televisie en koffie geriewe is perfek om jou skoene uit te  en te ontspan. Verblyf is gedeel in dubbel kamers asook deelkamers. Met naby geleë golfbane, staproetes en die Royal Nasionale Park is Bingelela is perfek vir ‘n privaat, familie en- of korporatiewe wegbreek.



Copyright © VakansiePlekke 2019 - All rights reserved.  |  Privacy Policy