Screen Size

VOLG ONS IDEES OM DIE LEKKERSTE VAKANSIE OF WEGBREEK TE BEPLAN!

LIMPOPO WEGBREEK

Waar kry ‘n mens ‘n verskeidenheid wat strek van die Groot 5, bergreekse mooier as enige skildery, kulturele nalatingskap en geskiedenis soos nerens anders te siene nie? Die noordelikste provinsie van Suid-Afrika, Limpopo bied al hierdie en nog meer. Toegerus vir enige aangeleentheid, van enige soort, bied Limpopo enige vakansieganger se ideale vakansie. Van die wêreldbekende Kruger Nasionale Park, Makapansgat wat op die Steenbok keerkring rus, die renoster musem in Vaalwater, 4x4 roetes om elke kronkel en nie eens om te praat van die eeue oue Kremetart bome wat die skets inkleur nie. Limpopo kan vergelyk word met ‘n kleuterskool speelgrond vir grootmense: daar is verskeidenheid, daar is gevaar, daar is kleur, daar is vriendelike gesiggies en daar is vreugde. Kom geniet ‘n Amarulu in sy eie agterplaas, terwyl ‘n eeue oue grot jou brein prikkel.

RUSTGEVONDEN (LEEUPOORT) LIMPOPO

Sagkuns rus ‘n asemrowende paradys tussen Bela-Bela en Thabazimb. Hierdie klassieke bestemming bied vakansiegangers die geleentheid om natuur prag op voet, op jou bergfiets of agter die stuurwiel te geniet. Plaas styl akkomodasie geriewe sluit romantiese kaggel, snoesige beddens, volledige toegeruste kombuis en natuurlik eg Suid-Afrikaanse ingerigte boma so vir die steak op die kole. Rustgevonden is naby geleë aan die wêreldberoemde Sun City, zip line pret sowel as die Marekele Nasionale Park. Perfek vir ‘n naweek se wegbreek, vir ‘n staande jaarlikse familie of vriende wegbreek en ‘n bestemming wat belowe om jou rus en lus vir die lewe weer vining-vinnig in die regte volgorde te prioritiseer.



SPIRAL HORN SAFARI (THABAZIMBI)

Spiral Horn Safaris is n privaat wildsplaas wat strek oor 1800 hektar gelee in die pragtige Limpopo Bosveld. Hier is geen of beperkte selfoon sein en is dus die idiale plek om weg te breek en te vegeet van die stad. Spiral Horn spog met 2 van die groot 5 en ander diere soos Kameelperde, Springbokke, Zebras ens. Self- Game Drives word toegelaat en op eie risiko gedoen. Kom braai op egte bosveld hout en geniet die natuur. Ons bied aktiwiteite aan soos Kleiduif skiet, voëlkyk, wild-ritte. Spiral Horn Safaris beskik oor 4 En-Suite Grasdak Rondawels wat in totaal 'n maksimum van 12 mense kan akkommodeer. Die gemeenskaplike kobuis is ten volle toegerus met gas stoof, yskas, vrieskas en breekware. Die stylvolle eetkamer kan 12 mense sit. Die sleeperhout kroeg en TV kamer is gerieflike gelee teen die boma vir lekker kuiers om die vuur. DSTV word ingesluit. 
Spiral Horn Safaris is in n malaria vrye gebied en kinder vriendelik. Ons akkommodeer graag familie groepe. 


DINKWENG SAFARI CAMP (VAALWATER)

Dinkweng Safari Camp is slegs 3 ure se ry vanaf Johannesburg. Dinkweng Safari Camp bied luukse verblyf in 'n keuse van 3 en-suite slaapkamer selfsorg-eenhede.  Elke eenheid het ruimte en privaatheid. Elke eenheid het 'n volledig toegeruste kombuis en 'n oopplan sit- en eetkamer sowel as 'n platskerm-TV wat sekere DStv-kanale opvang, asook 'n DVD-speler vir u gebruik. Ontspan buite in jou eie plonspoel met braai-area en 'n dek wat oor die vallei met sy ongelooflike Afrika-sonsondergange uitkyk. Die eenhede word daagliks gediens. Dinkweng is die plek om te ontspan en die natuur te geniet, daarom word harde musiek nie toegelaat nie. Gaste is welkom om in die kamp te stap en sal verskeie diere soos zebras, koedoes, nyalas, waterbokke, elande, kameelperde en rooibokke sien. Gaste kan hul bergfietse saambring of sommer een by die kantoor huur.


MBIZI GAME LODGE AND SPA (BELA BELA)

’n Perfekte wegbreek van die besige stadsrumoer, is Mbizi uitgeknip vir ‘n familie vakansie, ‘n of ‘n vriendegroep wat nuwe herinneringe wil opteken. Verblyf opsies strek vanaf karavaan staanplekke met private ablusie geriewe en selfs met jou eie Jacuzzi, eko-vriendelike boskampe, selfsorg eenhede Tenthuise en Bergvillas. Verder spog Mbizi met ‘n reeks aktiwiteite, soos ‘n wye verskeidenheid voël spesies,eksotiese wild , 4X4 Berg roetes , bergfiets-roetes, onder dak verhitte swembaddens, staproetes, naby geleë aan golfbane en vele meer. Begin jou dag deur die vangs van die dag te vang in talle damme, ontspan by die Bophelo Spa en rond die dag af met ‘n skemerkelkie by die bekende Klipgat Cocktail bar waar jy binne in die swembad sit , Mbizi het dit alles!


PALALA BOUTIQUE GAME LODGE (GROBLERSBRUG)

Die prentjiemooi Palala Boutique Game Lodge & Spa, slegs ‘n uur noord van Lephalale, is enige vakansieganger se droom. ‘n Kaleidoskoop van aktiwiteite beloof om jou goed besig te hou, of jy nou opsoek is na ‘n avontuur- of ‘n rus vakansie. ‘n Oneindigende mengsel van asemrowende uitsigte,  terwyl jy in die swembad ‘n kelkie geniet, die alles met die gebrul van leeus in die Afrika bos. Verder bied Palala wildsritte wat deur professionele gidse gekoordineer word, staproetes en visvang op die oewer van die magtige Limpopo rivier. Verblyf is ontwerp met slegs een doel voor oë: luuksheid. Soliede hout meubels word afgerond deur ingevoerde linne, ruim badkamers en alleenstaande baddens. Palala is toegerus vir paartjies se groot dag, konferensies en spa, perfek vir enige droom vakansie. 



WILD DOGS SAFARI LODGE (HOEDSPRUIT)

Beplan jy ‘n uitspappie na die beroemde Kruger Nasionale Park? Wild Dogs Safari Lodge is die perfekte blyplek vir jou kampvuur vakansie so in die bosveld. Met 6 chalets & 4 cottages om van te kies sal jy lag-lag (of sal ons eerder sê brul-brul) met ‘n groep van 22 mense hier kan oornag. Ons sorg ook dat jy met ‘n vol maag die dag betreë en ook ‘n bosveld ete geniet na die dag se besienswaardighede. Verkies jy om ‘n dag rustig langs die swembad te lê met ‘n koue drankie in die hand? Ons lui-lekker swembad geriewe asook ‘n kroeg wat gereed is om jou dors te les. Vroegoggend wildtuin ekskursies is slegs 40min weg by die Orpen hek. Maak vas jou stapskoene se veters en pak jou waterbottel in, want ons het die beste begeleide staproete. 



LOEBIES GASTE PLAAS (BELA BELA) LIMPOPO

Al ooit die koning van die oerwoud hoor brul? By Loebies Gaste Plaas sal jy beslis die ervaring kan geniet! ‘n Roofdier plaas wat jy saam jou familie die geleentheid bied om meer te leer oor ons pragtige land se unieke roof diere. Loebies Gaste Plaas is slegs 20 minute vanaf Bela-Bela. Ideal vir ‘n vinnige ontsnap vanuit die besige gekreun van die stad, hetsy dit vir romanse is, of vir ‘n bosveld vuur wat kraak geluide laat onstsnap. Verblyf geriewe het verskeie opsies om van te kies, van ‘n Leeu huis tot ‘n Dam huis. Of jy nou wil roei op die dam en of jy op toer tussen die roofdiere wil wandel, of jy wil ontspan of herlaai-watokal die keuse, dit is beslis hoe jy sal wegry.



HOOGLAND SPA FAMIELIE OORD (BELA BELA)

Hoogland Spa Familie -oord is geleë in Bela-Bela, Limpopo se alombekende toerismekern en gewilde wegbreekbestemming. Gaste kan tuisgaan in heerlike selfsorg-chalets met al die geriewe wat mens nodig het vir 'n lekker wegbreek met jou gesin of groep vriende. Dit sluit volledig toegeruste selfsorgkombuise, privaat braai-geriewe, lugversorging, DStv-hotelpakkette en toegang tot 'n ontspanningsarea in waar besoekers kan afkoel in die swembad, of meeding in pool, tafeltennis en foosball. Geniet gehalteverblyf in 'n rustige omgewing en verken Limpopo.


SHAKAMA PRIVATE GAME LODGE (WARMBAD)

Teen die hange van die Suidelike Waterberge, slegs 2 ure van Johannesburg, anderkant Thabazimbi, rus Shakama privaat wildsreservaat. Toegerus vir privaat funksies, n bestemming waar ‘n egpaar aan mekaar trou beloof, is Shakama ‘n voorloper vir enige aangeleentheid. Verblyf wissel tussen die sogenaamde Valley lodge (18 gaste), Mountain lodge (24 gaste). Verblyf opsies wissels tussen diè, met enigeiets van selfsorg eenhede, eenhede waar ‘n kok gehuur kan word, buite storte en funksie-spesifieke verblyf – al hierdie terwyl die vallei se uitsigte jou hartsnare roer. Shakama pronk met ‘n kenmerkende boma area wat gelaai is met ‘n uitsig.



KLEIN KUNKURA WILDPARADYS (NYLSTROOM)

Vasgemessel in die pragtige Waterberge, slegs twee ure vanaf OR Tambo internasionale lughawe, rus Klein Kunkura wildsparadys. Klein Kunkura is ingerig vir ‘n ruskansie, ‘n werkskonferensie of ‘n jagnaweek tussen vriende. Verblyf opsies spog met 10 en-suite kamers sowel as kombuisareas en privaat bomas . Verder het Kunkura ook 5 luukse tente met elkeen ‘n privaat boma en en-suite badkamer. Elke tent word ook afgerond met ‘n buite kombuis area sowel as yskas. Ontbyt is beskikbaar op aanvraag, terwyl Kunkura se  fasiliteite sal sorg vir welverdiende rus. Kunkura het nie minder as 17 verskillende soorte wild-spesies nie terwyl ‘n luiperd nou en dan sy kop uitsteek. Kom ontspan in die swembad met ‘n kelkie in die hand.


WEESGERUS VAKANSIEOORD ( MODIMOLLE) LIMPOPO

‘n Bosveld-oase in die skilderagtige Waterberge, dis Weesgerus, ‘n pragoord in Limpopo. Topkwaliteit is die wagwoord en ‘n groot verskeidenheid voortreflike geriewe en akkommodasie.  Voorsiening is gemaak vir alle verblyfbehoeftes en sluit in smaakvol gemeubileerde chalets, ‘n gastekamerkompleks, 133 moderne karavaan- en 12 tentstaanplekke met elektrisiteit, asook ‘n gastehuis met vier en-suite kamers. Avontuurlustiges en sportgeesdriftiges kan hul gate uit geniet op die waterglygeut en trapkarbaan, drie buitelugswembaddens en twee warm binnenshuise swembaddens, jukskei-, vlugbal en tennisbane, ‘n 3-km voetslaanpad en uitmuntende putt-putt-baan.



SONDELA NATUURREERVAAT (LIMPOPO)

Die hele gesin is welkom by Sondela-Natuurreservaat in die hartjie van die Limpopo Bosveld. Boonop hoef jy nie ure lank te ry of te bekommer oor die brandstofprys nie, want Sondela is net 90 minute se ry vanaf Johannesburg. Kinders kan deelneem aan die bekende veldwagterprogram propvol pret!  Sondela het ook warm- en koueswembaddens, ʼn klimraam, ʼn boomhuis, ʼn vlugbalbaan én ʼn teikenskietbaan. Leer die jongspan van plaasdiere by die plaaswerf of besoek die gewilde wildsentrum en ma en dogter kan tyd saam deurbring by die Iketla skoonheidsalon! n nuwe koffiewinkel met verskillende koffies, gesonde kos, baie verskillende tuis gebak, mini donuts, draai roomys, slush puppies asook n  hout-oond vir pizzas.  Komaan… bring die hele familie en raak deel van ons familie!



Copyright © VakansiePlekke 2019 - All rights reserved.  |  Privacy Policy