Screen Size

VOLG ONS IDEES OM DIE LEKKERSTE VAKANSIE OF WEGBREEK TE BEPLAN!

SPA

Ontspan en vind ontvlugting van die gejaag van die lewe met ons spa afdeling. Een spa-sessie en jy sal jouself verbeel jy is op ‘n tropiese eiland waar geen kommer jou lastig kan val nie. Gee om vir jouself en kikker jou gemoed op met ‘n spa-sessie van jou keuse. Elke meisie droom van ‘n verassing waar sy weg geneem word om bloot net bederf te voel met ‘n massering en facial terwyl sy ‘n glasie champanje in die hand het. Is jy ‘n bruid en wil graag ‘n dag van onstpanning en mooimaak geniet saam met jou strooimeisies? Een sessie by ‘n spa smelt al jou stress saggies weg. Kom vind jou pad na ‘n oase van bederf en herlaai jou liggaam, gees en siel.

VUSALELA SPA (TUSSEN PRETORIA EN JOHANNESBURG)

Verbeel ‘n rug massering terwyl jy stadig in droomland in en uit glip. Dalk sommer met ‘n verversing of twee byderhand. Klink aanloklik? Dan is Vusalela Dag Spa die plek vir jou. Naby gelee aan Johannesburg en Pretoria, maar ver genoeg om te voel die stad word agterlos, sorg Vusalela daagliks vir ontspanning vir gelukkige kliente. Vusalela se pakette sluit ontbyt en middagetes in en varieer van enigeiets van hand masserings regdeur tot ‘n voldag vol liggaam massering. Vusalela maak ook voorsiening vir partytjies indien enigeiemand wil kom ontspan om die plooie so bietjie terug te druk. ‘n Uitnemende spa, met uitnemende diens en uitnemende pryse.


CRADLE HEALTH SPA (HARTBEESPOORT) NOORD-WES

Poegaai van die gejaag in die stad en uitgehonger vir ’n ordentlike bederfsessie? Of benodig jy 'n lafenis vir herstel van gees en vlees? Pak sommer nou jou naweektas, want Cradle Health Spa is die oase waarna jy smag. Slegs 20 minute vanaf Lanseria en 45 minute vanaf Sandton en Pretoria wag hierdie droombestemming teen die hange van die Magaliesberg in die pragtige Hartbeespoort. Wees verseker van ’n onvergeetlike wegbreek met 12 luukse oornag kamers wat ingerig is vir die toppunt van gemak en ontspanning. Met ’n holistiese benadering tot goedvoel en gesondheid is Cradle Health Spa ook nommerpas vir ’n romantiese vakansie of wegbreek. 



SPA AT RIVIERA ON VAAL (VEREENIGING)

Riviera on Vaal Spa verwelkom jou met ontspannende, gespesialiseerde behandelings en produkte. Daar is ’n wye keuse van wonderlike masserings, gesig-behandelings, manikure en pedikure om jouself te geniet en totaal te laat ontspan. Die Riviera on Vaal Spa-span is spesifiek opgelei met jou totale gemak in gedagte in n rustige omgewing.Gekwalifiseerde terapeute is vaardig in 'n verskeidenheid behandelings om totale tevredenheid te waarborg. Bederf jouself en jou maat vir 'n ontspannende paartjie-behandeling. Skakel af en herlaai jou batterye by Riviera on Vaal Spa. 



SEDIKO BUSH SPA (LIMPOPO)

Ontsnap na ‘n luukse bosveld wegbreek slegs 355 km Noord van Pretoria. Sediko Bush Spa by Palala Boutique Game Lodge  is onweerstaanbaar vir diegene wat die eksklusiwiteit, romanse en avontuur waardeer. Sediko Bush Spa se wêreld klas opsies sal enige gas laat voel soos ‘n nuwe mens. Vernoem na die Noordelike Sotho woord vir "sirkel", nooi Sediko Bush Spa jou na hierdie idilliese Afrika-oase, ver van die eise van die stadslewe. Met die natuur as agtergrond kan gaste behoorlik ontsnap en hier kom ontspan. Om in rooi wyn te bad, is miskien die enigste ding meer hemels as om dit te drink, met Sediko se Merlot bad kan jy beide geniet, met ‘n uitsig van egte Limpopo bosveld - en dit is net die begin van jou Sediko ervaring.


HOOGLAND SPA VAKANSIEOORD (BELA-BELA)

Hoogland Spa Family Resort is geleë in Bela-Bela, Limpopo se alombekende toerismekern en gewilde wegbreekbestemming. Hier, binne trefafstand van die Forever Warmbaths Hydro and Waterpark, kan gaste tuisgaan in heerlike selfsorg-chalets met al die geriewe wat mens nodig het vir 'n lekker wegbreek met jou gesin of groep vriende. Dit sluit volledig toegeruste selfsorgkombuise, privaat braai-geriewe, lugversorging, DStv-hotelpakkette en toegang tot 'n ontspanningsarea in waar besoekers kan afkoel in die swembad, of meeding in pool, tafeltennis en foosball. Geniet gehalteverblyf in 'n rustige omgewing en verken die die Limpopo provinsie se mees gesogte attraksies vanaf 'n gerieflike ligging. 



Copyright © VakansiePlekke 2019 - All rights reserved.  |  Privacy Policy