Screen Size

VOLG ONS IDEES OM DIE LEKKERSTE VAKANSIE OF WEGBREEK TE BEPLAN!

VAKANSIEGIDS

Die Vakansie seisoen is hier, berge, riviere, see en die bosveld wag! Suid-Afrikaners se soektog na hulle vakansie of wegbreek begin hier! Ons het vir julle ‘n unieke Vakansiegids bymekaar gesit om julle beplanning 'n briesie te maak. Hierdie gids is gevul met besonderse wegbreek bestemmings, heerlike toere en idees vir die avontuurlustige vakansieganger. Neem 'n reis saam met ons!

CLUB MYKONOS (LANGEBAAN) WESKUS

Club Mykonos strandoord in Langebaan is 'n stukkie outentieke Griekeland aan die Kaapse Weskus. Hierdie gesinsvriendelike bestemming is geleë op die rustige oewer van die skilderagtige Langebaan-strandmeer en bied 'n unieke opsie vir familie-vakansies, konferensies, spesiale geleenthede en nog meer. Die oord bied gaste die opsie van drie smaakvolle akkommodasie aanbiedinge, wat die drie-ster Athenian Cascades en Terraces-eenhede, sowel as die vier-ster Preferred-eenhede insluit. Daar is ook 'n wye verskeidenheid van dinge om te sien om te doen - doen aan by die casino om jou geluk op die proef te stel, ry vierwielmotorfiets saam met die kinders, geniet 'n seekosmaaltyd by een van die oord se liplek-restaurante of spandeer die dag op die strand. Die opsies is eindeloos by Club Mykonos!



RITSAKO GAME LODGE (DINOKENG) GAUTENG

Binne in die Dinokeng Groot 5 natuur reservaat slegs 45 kilometer Noord van die Jakaranda stad. Ritsako spog met 19 luukse volle toegeruste eenhede wat Ontbyt insluit ,dit alles met 'n privaat swembad op jou agterstoep waar die wild sommer  naby aan jou eenheid pronk. Verkies jy eerder self kos te maak? Ritsako bied ook selfsorg eenhede wat perfek is vir Families, paartjies, vriende of enige iemand wat wil ontsnap vanaf die daaglikse gejaag. Hierdie spog Game Lodge bied ook konferensie fasiliteite vir besighede wat hulle breine bymekaar wil sit om daardie langverwagte groei te bewerkstellig. Verskeie opsies is beskikbaar om hierdie beplanning sessies 'n aangename ervaring te maak. Ritsako Game Lodge het n Volle Gelisenseerde Restaurant met heerlike disse en bedien daagliks ontbyt , middagete asook aandete. Ritsako, 'n game lodge vir ieder en elk. 


TO STRAND VAKANSIEOORD (LEISURE BAY)

TO Strand is 'n uitsonderlike vakansieoord in Leisure Bay, KwaZulu-Natal, binne trefafstand van Port Edward. Hier kan vakansiegangers uitsien na gesinsvriendelike selfsorg-akkommodasie en 'n groot verskeidenheid doendinge wat selfs die mees kieskeurige lid van die gesin sal vermaak. Verblyf word verskaf in die vorm van een- en twee-slaapkamer chalets, en besoekers is ook welkom om gebruik te maak van kampeergeriewe as hulle die woonwa wil saambring. Die oord se vermaak-opsies sluit mini-golf, vlugbal, tennis, visvang, branderplankry, staproetes, berg-fietsroetes en kayak-ry in. Daar is ook twee swembaddens, vakansieprogramme vir die kinders in seisoen, 'n restaurant, kroeg en winkel op die perseel. Beste van alles - jy kan sommer ook jou troue hier hou! Die TO Strand-span staan gereed om jou spesiale dag seepglad te laat verloop. 



KAPENSIS GASTEHUIS ( PRINGLE BAY)

Uitsigte oor berge en die see wat myle strek, spasie en stilte wat jou weer laat asem skep, en ‘n elegante luuksheid wat jou die fyner dinge in die lewe laat waardeer. Dis waarna jy kan uitsien by die vier ster Kapensis Gastehuis aan die beelskone Weskus van Suid-Afrika. Die agt kamers is almal en-suite met privaat toegang na die binnehof met sy sprankelende swembad. Hier word jy nie net met die natuurskoon en luukse slaapgeriewe bederf nie, maar ook braaigeriewe as jy self ‘n vleisie op die kole wil sit. Die restaurant bied ‘n groot verskeidenheid heerlike disse aan en die etes word met plaaslike bestanddele gemaak. Kapensis Gastehuis is voorwaar ‘n luukse oase wat net buite Pringlebaai op ‘n fynbosplaas van 8.5 hektaar geleë is. Maak ‘n bespreking vir ‘n groep of net ‘n wegbreek vir jou en jou geliefde. Een ding is verseker, julle gaan nooit die plek vergeet nie en sal beslis weer na Kapensis Gastehuis terugkeer.      



KLOPPENHEIM COUNTRY ESTATE (DULLSTROOM)

Landelike luuksheid net buite Dullstroom – dis wat Gooderson Kloppenheim Country Hotel aan al sy gaste bied. Of jy nou ‘n konferensie wil hou, wil trou, ‘n romantiese ete geniet of ‘n familiefees – hier is iets vir almal. Selfs die wat daarvan hou om aktief te wees sal Gooderson Kloppenheim Country Hotel se ses foreldamme, staproetes, bergfietsroetes, vlugbal en boogskut geniet. As jy meer die tipe is wat daarvan hou om so min as moontlik te doen, is ‘n luilekker dag langs die swembad of ‘n sessie by die spa net die ding vir jou. Daar is drie verskillende verblyfopsies om van te kies, waarvan een ‘n selfsorg opsie is. Die restaurant bedien smullekker disse en die kroeg is ideaal vir ‘n knertsie na ete. Die hele hotel is stylvol gemeubileer en toegerus met bekostigbare luukshede. Maak nie saak wat die seisoen is nie, Gooderson Kloppenheim Country Hotel se ligging en goeie diens sal jou na jou asem laat snak.



GOODERSON NATAL SPA (KWAZULU-NATAL)

‘n Oase in die hartjie van KwaZulu-Natal se bosveld wink tussen Vryheid en Paulpietersburg. Die Gooderson Natal Spa Hot Springs & Leisure Resort bied ’n reeks aktiwiteite vir oud en jonk, alles teen die agtergrond van die pragtige Bivanerivier. Ongeag of jy wil vakansie, vergadering, konferensie of spanbou hou, jy kan kies uit 54 ruim en gerieflike ensuite slaapkamers of 23 self-sorgeenhede. Verblyfopsies sluit onder andere enkel-, dubbel-, en gesinskamers in. Jy kan ontspan in die Termiese warmwaterswembaddens, ’n oorvloed geveerde vriende besigtig of meer aktief raak met ’n 22km bergfiets- en drafpad, BMX-baan, visvang, perdry, tennis, muurbal of selfs verfbal! Bergfietse en BMX-fietse is te huur by die oord.


THABA KHAYA (MABALINGWE) NOORD-WES

Thaba Khaya, 'n 4 500 hektar paradys geleë in die hartjie van die bekroonde Noord-Wes provinsie. Hierdie vier-ster lodge is gerieflik in 'n malaria vrye area geleë en slegs 'n 90 minute rit vanaf Johannesburg. Thaba Khaya bied verblyf vir slegs 16 gaste sorg vir 'n private en afgesonderde naweek tussen die prag van koorsbome en watergate wat oorloop met wild. Verblyf sluit volle etes voorberei deur 'n professionele chef in sowel as die gebruik van sekere aktiwiteite wat Thaba Khaya bied. Aktiwiteite by Thaba Khaya is onder meer kookkursusse in die bosveld, wildsritte, voëlkyk, lugballon ritte en vele meer. Thaba Khaya is perfek vir 'n romantiese naweek weg, 'n naweek van rus sonder om te  bekommer oor die volgende maaltyd, 'n vakansie saam die familie of 'n retreat om weg te breek van die stad se gedruis. 



RIVERSTONE LODGE (MULDERSDRIFT)

Slegs ’n klipgooi vanaf Lanseria lughawe, neffens die Wieg van die Mensdom, wag ’n stukkie lafenis vir jou siel. Ontsnap uit die stad na Riverstone Lodge in Muldersdrift - ’n onvergeetlike oase langs die wal van die Krokodilrivier. Riverstone Lodge bied 51 pragtige ruim kamers omring deur prentjiemooi tuine en koi-dammetjies. Opsies vir akkommodasie sluit in 12 Executive suites met ’n private balkon, ’n Superior suite met ’n private plaspoel en tuin, Junior suite met ’n private plaspoel, ’n rolstoelvriendelike familie opsie en 36 standaard kamers met ’n patio wat jou uitlei na die swembad. Besoek ons Driftwood Restaurant vir ’n rustige aandjie uit met ’n tikkie Portugal!


HOUSE HIGGO (NORTHCLIFF)

Modern, elegant, romanties - House Higgo is ’n boetiek-gastehuis geleë in die gesogte, Noordelike voorstad, Northcliff. Dis ideaal vir gaste wat opsoek is na gerieflike, luukse en intieme verblyf naby verskeie geriewe. Verblyf word aangebied in 5 individueel versierde slaapkamers en 'n twee slaap-kamer kothuis. Elke kamer het 'n dubbelbed en 'n en-suite badkamer. Al die kamers beskik oor WiFi, sekere DStv-kanale. Ontbyt word in die eetkamer of op die stoep bedien. House Higgo het ook 'n swembad, en 'n gemeenskaplike sitkamer met 'n kaggel en biblioteek waar gaste kan ontspan. Ons kan selfs intieme “just us” troues doen met alles wat jy benodig vir jou spesiale dag. Werk, plesier, ’n romantiese naweek weg of selfs as jy vinnig die knoop wildeurhak, hulle sal jou geleentheid spesiaal maak.


ROYALE MARLOTHI SAFARI LODGE (MARLOTH PARK)

Royale Marlothi Safari Lodge lê in die hartjie van Marloth Park, ’n natuurbewaring gebied op die rand van die Krugerwildtuin in Mpumalanga. Die vrede en rustigheid van die bosveld met sy eiesoortige bekoring laat ’n moeë gas behoorlik ontspan en agteroorsit om die sonsondergang te geniet. In Marloth Park loop die diere vrylik rond en gaste kan hul asems inhou vir ’n persoonlike ontmoeting met Zebras, Koedoes, Kameelperde, Vlakvarke, Rooibokke en Wildebeeste – veral as hul die are te voet verken! Akkommodasie sluit in netjiese chalets wat geskik is vir families, luukse kamers asook ’n drie slaapkamer gastehuis. Elke chalet het sy eie dek, plons poel en braai area waar gaste kan luister hoe die leeus in die nabygeleë  Wildtuin brul. Die 5 luukse kamers het elk ’n privaat braai area en deel die groot gemeenskaplike swembad met wonderlike uitsigte oor die bosveld. 



EHLATHINI GAME LODGE (LIMPOPO)

Ehlathini Game Lodge is geleë in die Waterberg area van Limpopo provinsie naby die klein dorpie, Marken. Die rustigheid en eiesoortige bekoring van die Bosveld-natuurskoon word hier in ’n unieke kombinasie met gesofistikeerde verblyf en diens ingespan om natuur-en wildkyk liefhebbers behoorlik te bederf. Akkommodasie sluit in drie stylvolle lodge kamers wat oor ’n pragtige tuin uitkyk. Daar is ook drie vrystaande chalets met selfsorg opsies en toegang na die boma waar gaste behoorlik saans kan vashaak om ’n kampvuur. Voeg hierby boma-aandetes onder die sterre, bos ritte op die plaas en wild kyk soos sebras, blouwildebeeste, kameelperde, rooibokke, koedoes en nog meer plus luilekker middae langs die swembad en rustige aande onder die helder Afrika sterrekoepel. Ongelukkig word geen kinders onder 12 toegelaat. Kinders 12 jaar en ouer sal die volle tarief kwoteer word.



THE EIGHTEENTH PRINCE GRANT IN KZN

The 18th is op die ongerepte Prince's Grant Gholflandgoed aan KZN se Dolfyn kus geleë en bied die ideale kus wegbreek vir gesinne, vriende, gholf groepe of paartjies. Gerieflike selfsorg-verblyf word in woonstelle met 2 of 3 slaapkamers gebied. Elke woonstel het 'n volledige toegeruste kombuis, sitkamer, eetkamer, en suite-badkamers, komplimentêre toiletware, bad- en swem- handdoek, wasgoed geriewe en 'n stoep met braai-geriewe. Die landgoed bied veilige parkeerplek in motorhuise, 'n wêreldklas-gholfbaan, 'n swembad, tennis en muur-balbane, 'n speelarea vir kinders en eksklusiewe toegang tot die strand. Die prentjiemooi Indiese Oseaan en kuslyn het 'n subtropiese klimaat die heeljaar en is die ideale plek vir familie vakansies. Gaste kan vir die dag uitgaan op 'n vissersboot, gholf speel en op die strand ontspan. 


PLETTENBERG A FOREVER RESORT (WES KAAP)

Plettenberg A Forever Resort is gelee in ‘n Natuur Reservaat, 4km vanaf die naaste dorp Plettenberg Baai. Die oord beskik oor selfsorg, hout of steen eenhede, met een, twee of drie slaapkamers. Ook 116 staanplekke, waarvan 9 staanplekke DSTV punte bied – gaste bring net hul eie dekodeerders saam. Uit die 116 krag staanplekke kan ons gaste kies uit grond, gras, skadu ryke, son, berg, rivier of geplaveide staanplekke. Langs die Keurbooms rivier verwag mens ook  water aktiwiteite waarvan die oord die volgende aanbied: 5 perde krag motor bootjies, trap-bootjies, kanoes en Ferry ritte van (max 12 persone) wat stadig rivier op beweeg vir onglelooflike mooi rivier en berg ervarings – as jy die dag gelukkig is sal jy dalk die rob wat hier rond kuier ook sien. Die Oord beskik oor twee koue water swembaddens, springmatte, speelparkies, putt-putt en ‘n vlugbal baan.


TINYIKO KRUGER LODGE (MARLOTH PARK)

Is 'n wegbreek na Afrika se bosveld iets wat jy nodig het? Tinyiko Kruger lodge is ’n gastehuis geleë in Marloth park wat ’n unieke bewaringsgebied is en ’n tuiste bied aan talle wilds- en voël spesies. Gaste kan 'n intieme ontmoeting met die natuur geniet sonder om luuksheid op te offer. Tinyiko spog met 7 dubbelkamers om van te kies, almal met en-suite badkamers, privaat balkon en is toegerus met DSTV. Voëlkyk, piekniek, wild staptoere, fietsry roetes en wildritte in die Kruger Park is ’n paar van die vele aktiwiteite wat Tinyiko bied. Verder is daar perd & olifant safari’s in die naby-geleë omgewing om van te kies. Tinyiko Kruger Lodge is ideaal vir paartjies, families of 'n groep vriendewat Afrika se gesogte wild in hulle natuurlike habitat wil ervaar en die buitelug en natuur wil geniet.



BADPLAAS A FOREVER RESORT (MPUMALANGA)

Hierdie bekroonde Mpumalanga oord is geleë in die Emanzana Natuurreservaat, en is bekend vir sy warm mineralebron, en is slegs 2.5 uur se ry van Gauteng af. Akkomodasie behels 48 hotel-kamers, 161 selfsorg chalets en 300 karavaanstaanplekke wat toegerus is met kragpunte. Die kamp bied uiters netjiese ablusie fasiliteite, wat ook ‘n fasiliteit vir gestremde persone insluit. Die natuurreservaat kan verken word deur te bespreek vir een van ons gewilde wildritte, u kan dit ook in u privaatvoertuig, of selfs te perd verken. Die reservaat het talle bok en voëlspesies, sowel as kameelperde. Vir jou ontspanning kan jy kies uit die talle watersport-geriewe, soos waterglybane, die Rinkhals, sowel as mineraalwater warm en koue swembaddens. 



7 ATKV-OORDE IN SA

In sommige van die mooiste dele van ons land, lê sewe verruklike oorde waar gaste met ongekende gasvryheid verwelkom word. Elke oord is ’n veilige, ontspanne lushof waar jy jou kan tuismaak vir ’n onvergeetlike gesinsvakansie, jou droomtroue of ’n kulturele ontdekkingsreis! Al die oorde spog met gerieflike selfsorgverblyf, woonwaparke en luukse eenhede waarvan die graderings tussen twee- en vierster wissel. Daar is heerlike eetplekke, sonnige speelplekke, plekke vir salige ontspanning en aksie vir Afrika! Die oorde bied hope pret, soos minigholf, warm- en kouewater-swembaddens, waterwurms, muurbal- en vlugbalbane, springmatte, staproetes, perdry en baie meer vir oud en jonk. Dit is dus ware bekostigbare gesinsvakansies. Met pretnaweke en vakansies word goeie gesinsvermaak van hoë gehalte gebied wat beloof om almal se plesierspier te kielie. 


JB TRAIN TOURS

Kom ry weer lekker saam op n Vakansietrein! Wanneer laas het jy op ‘n oornagtrein in Suid-Afrika gereis en daarop geslaap? ‘n Treinrit en treintoer is heeltemaal anders. Daar word nie gejaag nie, mens het weer tyd om terug te sit en te ontspan, die natuur vanuit jou kompartement te geniet, die son te sien sak oor die Karoo se vlaktes en om weer treinkos te eet. Ons bied ‘n verskei-denheid treintoerpakkette na verskeie bestemmings in Suider-Afrika aan. Kom reis vanjaar saam en beleef weer ‘n toer soos van ouds. Die toere is veilig & lekker, met heerlike kos & goeie slaapplek in hotelle, lodges & vakansie-oorde. U ry net saam & ontspan. Geen lang motorbestuur, verdwaal, spoedkaartjies, verhoogde petrolpryse, slaapplek soek of sukkel nie. Met sommige toere word daar teruggevlieg.


Copyright © VakansiePlekke 2019 - All rights reserved.  |  Privacy Policy