Screen Size

VOLG ONS IDEES OM DIE LEKKERSTE VAKANSIE OF WEGBREEK TE BEPLAN!

WINTER WEGBREEK. SPESIALE AANBIEDINGS.

Winter is hier, maar dit beteken beslis nie jy moet tuisbly nie! Met die koeler weer wat sorg vir kraakvars oggende en luilekker middae voor die kaggel, is die wintermaande die perfekte tyd om tyd saam met vriende en familie te spandeer. @VakansieplekkeSA het wyd en suid gaan soek om die lekkerste winter-bestemmings, wegbreekgeleenthede en spesiale aanbiedings te vind. So trek aan daai stewels, wikkel jou toe in jou snoesigste jas en val saam met ons in die pad om 'n ware winter-avontuur na te jaag!

B'SORAH LUUKSE TENT KAMP IN HARTBEESPOORT - KRY 35% AFSLAG OP MIDWEEK BESPREKINGS.

B'sorah is die tuiste van 'n luukse tentkamp en rustieke kampeerplekke, omring deur die historiese en natuurlike landmerke van die Magaliesberge. Ons omgewingsvriendelike toevlug is perfek vir gaste wat die toerisme-aantreklikhede en geluide van die gebied wil verken, of die plaas te voet of per fiets wil verken. Natuur paradys waar jy kan ontspan. Die Hartbeespoort Dam en naby besienswaardighede, na ‘n opwindende dag van verkenning, kan jy terugkeer na die gemak van jou eie privaat safari tent en luister na die kwartels se roep terwyl die son sak – die perfekte manier om die aand om die vuur te begin. B’sorah is die perfekte plek om die fyner dinge in die lewe te waardeer, terwyl ons vriendelike personeel uitsien om julle te verwelkom.


FOREST CREEK LODGE/SPA (LYDENBURG) BESPREEK 2 MIDWEEK NAGTE EN KRY DIE 3DE NAG GRATIS PLUS 'N SPA BEHANDELING (WAARDE VAN R350)

Die Luxury suites bied opsies van afgesonderde private hoekies in die bos met koningsgrootte beddens en buitelugstorte tot kaggels in jou kamer en ’n bad groot genoeg vir twee! In al die kamers wag kraakvars linne, ’n waaier, verwarmer, elektriesekombers en ’n asemrowende uitsig vir jou. Die selfsorgeenhede bied ’n verskeidenheid slaapopsies perfek vir paartjies, gesinne of ’n naweek saam met vriende. Met braaigeriewe, stoep en bomekoepel beloof elke besoek lewens- lange herinneringe. Slegs ongeveer drie ure vanaf Johannesburg - elke natuurliefhebber en stiltesoeker se droombestemming.


THE 18TH PRINCE'S GRANT (KZN) KRY 20% AFSLAG!

Aan die skilderagtige Dolfynkus van KZN (naby Ballito) lê The Eighteenth at Prince’s Grant, ‘n élite boetiek vakansiewoonstelkompleks binne ‘n bekroonde gholflandgoed. The Eighteenth het ‘n kontemporêre afwerking wat uitstekend met die landelike omgewing ineensmelt om die perfekte venue vir enige geleentheid te bied: van ‘n romantiese huweliksretraite tot ‘n ontspanne gesinsvakansie of familiewegbreek. Akkommodasie sluit in twee- en drieslaapkamerwoonstelle met ‘n asemrowende see- en gholfbaan-uitsig wat ook toegang tot ‘n ongerepte strand en strandmeer bied. Tennis, muurbal, gholf, ‘n visvangekskursie en ‘n salige roeibootrit op die strandmeer is ook op die spyskaart – dus ‘n móét vir die hele gesin!



HUDSON'S ON TWELFTH (SANDTON) 20% AFSLAG TOT EINDE JUNIE

Hudson’s On Twelfth is ‘n eksklusiewe gastehuis in Rivonia met ‘n 4-ster gradering en 8 en-suite kamers wat elkeen individueel ontwerp is. Elke suite beskik oor ‘n privaat tuin, ‘n uitsig oor die klassieke-ontwerpte gronde of die lieflike woud wat vanuit die pragskone tuine vloei. Die bedekte patio en ontbyt-area kyk uit oor die glinsterende swembad met die strelende klanke van die waterfontein. Gratis WiFi, ‘n elegante eetkamer met ‘n kaggel, ‘n kroeg en Hotel paket DStv in alle kamers sal verseker dat jou verblyf by Hudson’s On Twelfth ‘n onvergeetlike ervaring bly. Hudson’s On Twelfth se ligging maak toegang tot die Johannesburgse noordelike voorstede asook die lughawe en Gautrain-stasies maklik.



RIVONIA BED & BREAKFAST (SANDTON) KRY 15% AFSLAG VANAF 25 MEI - 30 JUNIE

Rivonia B&B is werklik ‘n stukkie landelike paradys in die middel van die spogbuurt van Sandton. Of jy nou op soek is na verblyf in Jhb vir werk of plesier, of jy lank gaan bly of net vinnig in-en-uit is, Rivonia B&B bied alles aan wat jy moontlik kan benodig. Die 50 pragtige, goed toegeruste kamers (o.a. selfsorg eenhede) asook familie-eenhede, spog elkeen met sy eie stoep wat op welige plantegroei uitkyk. Elke eenheid het ook ‘n mikrogolf, 'n telefoon, ondervloerse verhitting, 'n kluis, waaier, strykyster en strykplank. Krag omsetters is in elke kamer geïnstalleer, dus is beurtkrag nie 'n probleem nie. Komplimentȇre internet, die DStv en veilige parkering op die perseel is beskikbaar.



SLEGS R900 VIR 2. BED & ONTBYT BY VALVERDE ECO HOTEL (GAUTENG)

Gaste wat wakker word by die Valverde Eco Hotel sal dit moeilik vind om te dink hulle is so naby aan die stad. Die hotel bevind homself in die hartjie van die Wieg van die Mensdom, slegs ‘n kort afstand vanaf Lanseria lughawe wat die ligging ideaal maak vir gaste wat per vliegtuig reis. Selfs met ‘n lughawe en Fourways op die hotel se voorstoep, voel dit steeds of jy op ‘n afgeleë stukkie paradys is as jy deur die welige tuine wandel. Gaste kan uit 25 ruim, luukse kamers met ‘n landelike gevoel kies en ‘n heerlike ete by die a la carte restaurant geniet. Pure lafenis vir die siel en die ideale plek om te ontspan en te herlaai sonder om uit Gauteng te reis. 



SPIRAL HORN WILDSPLAAS (LIMPOPO) BESPREEK 4 NAGTE OF LANGER EN KRY 20% AFSLAG.

Spiral Horn Safaris is n privaat wildsplaas wat strek oor 1800 hektar gelee in die pragtige Limpopo Bosveld. Hier is geen of beperkte selfoon sein en is dus die idiale plek om weg te breek en te vegeet van die stad. Ekslusiewe toegang tot die Lodge en Wildsplaas, sluit in:
• Wildritte met eie voertuig. • Skoonmaak dienste daagliks
• Alle Linne • Ten volle toegeruste kombuis met alle breekware
• Vuurmaakhout • Vol DSTV Pakket • Swembad



DE ZEEKOE (OUDSHOORN) BESPREEK 3 NAGTE EN KRY 1 NAG GRATIS.

De Zeekoe is net 7 km buite die dorp van Oudtshoorn. Geniet luukse bed en ontbyt kamer opsies by die hoofhuis of die drie volledig toegeruste luukse kothuise. Die eenhede is selfsorg en kom met al die luukshede wat verwag kan word; mini-kroeg, gratis Wifi en lugversorgin en selfs ‘n binne- en buite braai. Daar is ook ‘n swembad vir die eksklusiewe gebruik vir die kothuise se inwoners om af te koel. Hier is ook hope aktiwiteite waarmee jy jou kan besig hou wanneer jy moeg raak van ontspan. Daar is piekniek areas, ‘n sout water swembad, fiets-ry roetes, kanovaart en bring jou eie visvang gereedskap en jy kan ‘n lyntjie in die water gooi. Ontspan in ons nuwe spa, of stap saam op ons  privaat voëltoere.


TSHIKWALO GAME LODGE (DINOKENG) 30% AFSLAG DIE WINTER!

Tshikwalo Lodge bied ‘n aangename ervaring vir beide nasionale en internasionle gaste in gemaklikle en luukse akkommdodasie. Ons selfsorg eenhede het elkeen ‘n stoep voor die chalet waar gaste kan  ontspan en hul maaltye geniet. Ons nuutste byvoeging tot chalets is op bed, ontbyt en aandete gebasseer. Hierdie chalets is luuks toegrus met ‘n koffiestasie, yskas en ‘n stoep wat oor die bosveld uitkyk. Ons boma area kan uitgehuur word aan groter groepe tot 80 mense maksimum  waar spesiale geleenthede gehou kan word. Ons pragtige restaurant is 7 dae van die week oop en bied ‘n uitgebreide a la carte spyskaart. Die houtdek van die restaurant kyk uit op ‘n watergat waar menige diere van die reservaat kom water drink. Verder bied Tshikwalo Lodge aktiwiteite soos wildsritte, Spa Behandelings, bos pieknieks, spanbou en romantiese bosetes aan. 


TSITSIKAMMA LODGE & SPA (OOS KAAP) SLEGS R500PP BED EN ONTBYT

Geleë aan die voete van die skilderagtige Tsitsikamma-bergreeks in die dorp Stormsrivier. Hout vanuit die plaaslike bos is gebruik om dié spesiale lodge, met losstaande houthutte van verskillende groottes, te bou. Die houtstomp-afwerking skep ‘n ongekunstelde gevoel aan die binnekant van die 32 goedtoegeruste houthutte, wat elk met ‘n spa-bad, privaatdek en braaifasiliteit toegerus is. ‘n Pragtige swembad, nabygeleë bergstrome en ‘n verkwikkende spa-ervaring bied ‘n onvergeetlike lafenis,  terwyl ‘n potjie tafeltennis in die speletjieskamer of ‘n staproete op een van die talle voetslaanpaaie nie te versmaai is nie. Gaste kan kies en keur uit van die heerlike geregte op die spyskaart van die restaurant, ‘n braai op die dek of ‘n self-voorbereide ete in ‘n houthutkombuisie.


ABENDRUHE LODGE (DINOKENG) BESPREEK VIR 3 NAGTE EN BETAAL SLEGS VIR 2!

'n Bosveld wegbreek met ‘n ongelooflike uitsig – Die lodge se vier luukse selfsorg houthuise bied alles wat jy sal benodig om ‘n romantiese naweek met jou geliefde of Familie te geniet. Die houthuise is ver van mekaar en elkeen beskik oor sy eie privaat boma sodat julle lekker om die vuur kan gesels en ontspan. Daar is 3 houthuise wat elkeen oor ‘n koning-grootte bed, ‘n bank wat oopvou en in ‘n dubbelbed omskep kan word, vol DStv, lugversorger. Die vierde houthuis by Abendruhe Lodge sluit ‘n loft gedeelte ook in en bestaan uit twee kamers waar ses mense gehuisves kan word. Elke houthuis het ook ‘n badkamer met ‘n stort, asook ‘n kombuis wat ten volle toegerus is. Wildsritte is beskikbaar en sluit drankies en versnapperinge in. 


BLEU COBALT FRANSCHHOEK - KRY 20% AFSLAG. JUNIE/JUNIE

Franschhoek is ‘n unieke dorpie wat nie net asem rowend mooi is nie, maar ook van die wêreld se bekendste wynplase huisves. Dis nie sommer elke plek wat gaste verwelkom met ‘n plaaslike bottel wyn nie, maar dis presies wat die selfsorg Bleu Cobalt Cottage vir elke gas aanbied. Natuurlik gaan dit gepaard met gerieflike verblyf vir twee gaste wat uit een slaapkamer, een badkamer, ‘n oopplan kombuisarea asook leefarea bestaan. Die slaapkamer bied ‘n dubelbed met deure wat uitloop tot in die romantiese tuintjie en privaat swembad waar ontspanning aan die orde van die dag is. Gaste kan in gemak aansit by die twee sitplek tafel, ontspan voor die groot TV en die gratis Wi-Fi gebruik. Vir gaste wat vir drie of meer aande oorbly word ‘n ontbyt bewys gratis verskaf. 


Copyright © VakansiePlekke 2019 - All rights reserved.  |  Privacy Policy