Screen Size

VOLG ONS IDEES OM DIE LEKKERSTE VAKANSIE OF WEGBREEK TE BEPLAN!

BOSVELD WEGBREEK

'n Bosveld-vakansie is nie net 'n geleentheid om ons kontinent se pratige wild en natuurskoon te bewonder nie, dis ook 'n wegkomkans wat jou toelaat om ten volle te ontspan, ver van die stad se geroesemoes.

RITSAKO GAME LODGE (DINOKENG)

Ritsako Game Lodge is 'n nuwe en opwindende Lodge binne in die Dinokeng Groot 5 natuur reservaat slegs 45 kilometer Noord van die Jakaranda stad. Ritsako spog met 19 luukse volle toegeruste eenhede wat Ontbyt insluit ,dit alles met 'n privaat swembad op jou agterstoep waar die wild sommer  naby aan jou eenheid pronk. Ritsako bied ook selfsorg eenhede wat perfek is vir Families, paartjies, vriende of enige iemand wat wil ontsnap vanaf die daaglikse gejaag. Hierdie spog Game Lodge bied ook konferensie fasiliteite aan. Verskeie opsies is beskikbaar om hierdie beplanning sessies 'n aangename ervaring te maak. Ritsako Game Lodge het 'n Restaurant met heerlike disse en bedien daagliks ontbyt , middagete asook aandete. Ritsako, 'n game lodge vir ieder en elk. 


ZEBRA COUNTRY LODGE (DINOKENG)

Ervaar die prag van die bosveld! Slegs ‘n klipgooi ver van die stad! Hierdie pragtige lodge is geleë in ‘n 400 hektaar natuurreservaat en is slegs ‘n 30 minuut motorrit Noord-Oos van Pretoria. Zebra Country Lodge grens ook aan die Dinokeng Wildreservaat, die eerste vrylopende Groot Vyf residensiële wildreservaat in Gauteng. Zebra Country Lodge spog met drie lodges, elkeen met sy eie unieke atmosfeer en kenmerke, asook ‘n kapel en verskeie onthaalareas vir troues, konferensies of spesiale geleenthede. Zebra Country Lodge bied ‘n verskeidenheid aktiwiteite insluitend; natuurritte in hul eie natuurreservaat en wildsritte in Dinokeng Wildreservaat, spa-behandelings, perdry, voël safaris, vlugbal, buitelug skaak en asemrowende lugballonritte. Of dit nou vir besigheid, avontuur of ontspanning is – Zebra Country Lodge roep jou naam!


TSHIKWALO GAME LODGE (DINOKENG)

Tshikwalo Lodge bied ‘n aangename ervaring vir beide nasionale en internasionle gaste in gemaklikle en luukse akkommdodasie. Ons selfsorg eenhede het elkeen ‘n stoep voor die chalet waar gaste kan  ontspan en hul maaltye geniet. Ons nuutste byvoeging tot chalets is op bed, ontbyt en aandete gebasseer. Hierdie chalets is luuks toegrus met ‘n koffiestasie en klein yskas en ‘n stoep wat oor die bosveld uitkyk. Ons boma area kan uitgehuur word aan groter groepe tot 80 mense maksimum  waar spesiale geleenthede soos verjaarsdae, spanbou, jaareindfunksies ens gehou kan word. Ons pragtige restaurant bied ‘n uitgebreide a la carte spyskaart. Die houtdek van die restaurant kyk uit op ‘n watergat waar menige diere van die reservaat kom water drink. Verder bied Tshikwalo Lodge aktiwiteite soos wildsritte, Spa Behandelings, bos pieknieks, spanbou en romantiese bosetes aan.  


TINYIKO KRUGER LODGE (MARLOTH PARK)

Is 'n wegbreek na Afrika se bosveld iets waarna jy smag? Marloth Park is 'n unieke bewarings- gebied wat ‘n tuiste bied aan talle wild- en voëlspesies. Gaste kan 'n persoonlike ontmoeting met natuur geniet terwyl luuksheid steeds die oorheersende faktor is. Tinyiko spog met sewe dubbel-kamers om van te kies, almal met en-suite badkamers, toegerus met ‘n TV asook DSTV. ’n Heerlike ontbyt is ingesluit in die prys. Voëlkyk, pieknieks, wild staptoere, fietsry roetes en wilds-ritte langs die Krokodil Rivier is slegs ‘n paar van vele aktiwiteite wat Tinyiko bied. Tinyiko Kruger Lodge is ideaal vir paartjies wat wil wegkom van die stad se gedruis, families wat Afrika se gesogte wild in hulle natuurlike habitat wil ervaar of 'n groep vriende wat gesellig saam wil kuier en die buitelug en natuur wil geniet.


B'SORAH LUXURY TENTED CAMP (NOORD-WES)

Bsorah is die tuiste van 'n luukse tentkamp en rustieke kampeerplekke, omring deur die historiese en natuurlike landmerke van die Magaliesberge. Natuur paradys waar jy kan ontspan. Die Hartbeespoort Dam en naby besienswaardighede, wat die Elephant and Monkey Sanctuary, die Ann van Dyk Cheetah Sentrum en Bill Harrop se ballon-ritte insluit, is almal naby. Na ‘n opwindende dag van verkenning, kan jy terugkeer na die gemak van jou eie privaat safari tent en luister na die kwartels se roep terwyl die son sak – die perfekte manier om die aand om die vuur te begin. B’sorah is die perfekte plek om die fyner dinge in die lewe te waardeer, terwyl ons vriendelike personeel uitsien om jou te verwelkom en so tuis as moontlik te laat voel.


MBIZI GAME LODGE & SPA (LIMPOPO)

’n Perfekte wegbreek van die besige stadsrumoer, is Mbizi uitgeknip vir ‘n familie vakansie, ‘n of ‘n vriendegroep wat nuwe herinneringe wil opteken. Verblyf opsies strek vanaf karavaan staanplekke met private ablusie geriewe en selfs met jou eie Jacuzzi, eko-vriendelike boskampe, selfsorg eenhede Tenthuise en Bergvillas. Verder spog Mbizi met ‘n reeks aktiwiteite, soos ‘n wye verskeidenheid voël spesies,eksotiese wild , 4X4 Berg roetes , bergfiets-roetes, onder dak verhitte swembaddens, staproetes, naby geleë aan golfbane en vele meer. Begin jou dag deur die vangs van die dag te vang in talle damme, ontspan by die Bophelo Spa en rond die dag af met ‘n skemerkelkie by die bekende Klipgat Cocktail bar waar jy binne in die swembad sit , Mbizi het dit alles!


Copyright © VakansiePlekke 2020 - All rights reserved.  |  Privacy Policy