Screen Size

VOLG ONS IDEES OM DIE LEKKERSTE VAKANSIE OF WEGBREEK TE BEPLAN!

FAMILIE WEGBREEK

Families vind goud in mekaar met elke wegbreek saam. Beplan jy ‘n vinnige impromptu wegbreek of ‘n lekker langpad vakansie? Dit alles sal jy sommer maklik hier kan opspoor. Iets vir elke gesin.

ATKV-OORDE GESINSVAKANSIE IN SA

Elke oord is ’n veilige, ontspanne lushof waar jy jou kan tuismaak vir ’n onvergeetlike gesinsvakansie, ’spanbousessie, jou droomtroue of ’n kulturele ontdekkingsreis! Al die oorde spog met gerieflike selfsorgverblyf, woonwaparke en luukse eenhede waarvan die graderings tussen twee- en vierster wissel. Daar is heerlike eetplekke, sonnige speelplekke, plekke vir salige ontspanning en aksie vir Afrika! Die oorde bied hope pret, soos minigholf, warm- en kouewaterswembaddens, waterwurms, muurbal- en vlugbalbane, springmatte, staproetes, perdry en baie meer vir oud en jonk. Die voordeel is dat jy per eenheid bespreek en nie p/p nie. Dit is dus ware bekostigbare gesinsvakansies. Met pretnaweke en vakansies word goeie gesinsvermaak gebied.


RIVIERA ON VAAL (VEREENIGING)

Die Riviera on Vaal is ‘n luukse oord met ‘n gholfbaan en spa fasiliteite. Die oord sluit ook verskeie restaurante, watersportsoorte, ‘n gimnasium, riviervaarte en kinder-vriendelike fasiliteite in. Die hotel is slegs 45 minute per hoofweg vanaf Jhb geleë. Alle kamers kyk uit op die pragtige rivier en bestaan uit verskillende opsies – standaard, familie, uitvoerend en tuin suites. Riviera on Vaal bied ook verskillende konferensie-pakkette aan wat aan elke kliënt se spesifieke en unieke vereistes voldoen. Wanneer dit by maaltye kom, kan gaste uitsien na ‘n onvergeetlike ervaring omring deur outydse sjarme. Smullekker etes en skemerkelkies kan binne of buite op die balkon geniet word wat spog met ‘n pragtige uitsig oor die Vaalrivier. The Riviera on Vaal het so baie om te bied en gaste word bederf met goeie diens, heerlike kos en uitsigte waarvan meeste mense net kan droom.  



MBIZI GAME LODGE & SPA

’n Perfekte wegbreek van die besige stadsrumoer, is Mbizi uitgeknip vir ‘n familie vakansie, ‘n romantiese naweek of ‘n vriende-groep wat nuwe herinneringe wil opteken. Verblyf opsies strek vanaf karavaan staanplekke met private ablusie geriewe en selfs met jou eie Jacuzzi, eko-vriendelike boskampe, selfsorg eenhede Tenthuise en Bergvillas. Verder spog Mbizi met ‘n reeks aktiwiteite, soos eksotiese wild , 4X4 Berg roetes, bergfiets-roetes, onder dak verhitte swem-baddens, stap-roetes, naby geleë aan golfbane en vele meer. Begin jou dag deur die vangs van die dag te vang in talle damme, volg dit op deur die spiere te ontspan by die Bophelo Spa terwyl die kinders met die plaasdiere sosialiseer en rond die dag af met ‘n skemerkelkie by die bekende Klipgat Cocktail bar waar jy binne in die swembad sit , Mbizi het dit alles!


TO STRAND (PORT EDWARD KZN)

TO Strand is 'n uitsonderlike vakansieoord in Leisure Bay, KwaZulu-Natal, binne trefafstand van Port Edward. Hier kan vakansiegangers uitsien na gesinsvriendelike selfsorg-akkommodasie en 'n groot verskeidenheid doendinge wat selfs die mees kieskeurige lid van die gesin sal vermaak. Verblyf word verskaf in die vorm van een- en twee-slaapkamer chalets, en besoekers is ook welkom om gebruik te maak van kampeergeriewe as hulle die woonwa wil saambring. Die oord se vermaak-opsies sluit mini-golf, vlugbal, tennis, visvang, branderplankry, staproetes, bergfiet-sroetes en kayak-ry in. Daar is ook twee swembaddens, vakansieprogramme vir die kinders in seisoen, 'n restaurant, kroeg en winkel op die perseel. Besoek hul webwerf vir meer inligting en beplan jou wegbreek na hierdie prentjiemooi strandoord sommer dadelik!


THE MANOR FARMHOUSE (OUDSHOORN)

The Manor Farm House is slegs 7 km buite Oudtshoorn op die bekende Zeekoegat Plaas. Die besonderse vakansiehuis is 'n spesiale stukkie paradys met 'n wonderlike, rustige atmosfeer wat tipiese, Suid-Afrikaanse hartlike gasvryheid het om aan te bied. Geniet 3 ruim slaapkamers, 4 badkamers, groot leefarea met skuif agterdeure na die tuin. Die huis is ideaal vir 1 groot - of selfs 2 gesinne. Die onthaalgebied het 'n bankstel, eettafel en ingeboude braaiplek en goed toegeruste kombuis. Fasiliteite: braai plek, buite swembad,kaggel,kombuis,parkering op die terrein,tee/koffie fasiliteite, gratis Wifi. Dis werklik 'n heerlike vakansie huis et die uitleg wat gemik is daarop om gerieflik te wees. Families vind goud in mekaar met elke wegbreek saam.


BERCHTESGADEN RANCH & FARM (VAALWATER)

Berchtesgaden Game Ranch en Lifestyle Farm is 'n bestemming wat baie geliefd is deur plaaslike reisigers weens sy ongerepte ekosisteme, 'n oorvloed wild, die volhoubare boerderymetodes en luukse akkommodasie - alles binne twee uur vanaf OR Tambo Internationale lughawe. Dit alles word gekombineer om 'n ervaring buite die stad te skep waar gaste tuis kan voel en al ons geriewe en aktiwiteite kan benut terwyl die ongerepte natuur ervaar word. Die Ranch & Farm is twee afsonderlike entiteite wat in harmonie mekaar aanvul. By die Lodge en wildsplaas sal gaste verlore raak in die ongerepte skoonheid van die Afrika-bos en die oorvloed van verskeie spesies wild met 'n menigte aktiwiteite en avonture. Net aan die oorkant van die teerpad by die Lewenstyl Boerplaas sal die kommersiële boerdery aktiwiteite gevind word waaruit ook baie van die etes wat u sal nuttig voorberei word. 


BADPLAAS A FOREVER RESORT (MPUMALANGA)

Hierdie bekroonde Mpumalanga oord is geleë in die Emanzana Natuurreservaat, en is bekend vir sy warm mineralebron, en is slegs 2.5 uur se ry van Gauteng af. Akkomodasie behels 48 hotel-kamers, 161 selfsorg chalets en 300 karavaanstaanplekke wat toegerus is met kragpunte. Die kamp bied uiters netjiese ablusie fasiliteite, wat ook ‘n fasiliteit vir gestremde persone insluit. Die natuurreservaat kan verken word deur te bespreek vir een van ons gewilde wildritte, u kan dit ook in u privaatvoertuig, of selfs te perd verken. Die reservaat het talle bok en voëlspesies, sowel as kameelperde. Vir jou ontspanning kan jy kies uit die talle watersport-geriewe, soos waterglybane, die Rinkhals, sowel as mineraalwater warm en koue swembaddens. 



DINKWENG SAFARI CAMP (VAALWATER)

Dinkweng Safari Camp is slegs 3 ure se ry vanaf Johannesburg. Die naaste dorpie Vaalwater, is 45 km vanaf die kamp, waarvan 11 km grondpad is. Dinkweng Safari Camp bied luukse verblyf in 'n keuse van 3 en-suite slaapkamer selfsorg-eenhede. Elke eenheid het ruimte en privaatheid. Elke eenheid het 'n volledig toegeruste kombuis en 'n oopplan sit- en eetkamer sowel as 'n platskerm-TV wat sekere DStv-kanale opvang. Ontspan buite in jou eie plonspoel met braai-area en 'n dek wat oor die vallei met sy ongelooflike Afrika-sonsondergange uitkyk. Die eenhede word daagliks gediens. Dinkweng is die plek om te ontspan en die natuur te geniet.


WHALESONG HOTEL & SPA (PLETTENBERG)

Die juweel van die Tuinroete. Die familie-vriendelike Whalesong Hotel & Hydro staan soos 'n seer oog uit in die hartjie van Plettenbergbaai se Tuinroete. Die strandtema is duidelik sigbaar in die 24 kamers met luukse en-suite badkamers die wit en blou van die see weerspieël. 18 van die kamers het hulle eie privatehoutdek wat gaste 'n blik gee op die Keurbooms-kuslyn, Tsitsikammaberg-reeks en die eindelose diep blousee. Die voordeelvan Whalesong is dat alles binne stapafstand is. 'n Top gehalte restaurant, Whales Restaurant, is op die perseel geleë en trek onmiddellik aandag met sy panoramiese uitsigte en smullekker seekos-geregte. Net 'n klipgooi van die restaurant sal jy The Greenhouse Hair Salon & Spa vind, 'n plek wat bekend is in die omgewing vir pamperlangsessies.


WATERFALL SAFARI LODGE (MIDDELBURG)

Die vreedsame bosveld ligging gemeng met die warm gasvryheid van die vriendelik personeel is wat Waterfall Safari Lodge so besonders maak. Waterfall Safari Lodge is deel van die Forever Resorts groep wat bekend is vir onvergeetlike bekostigbare vakansies, enige tyd van die jaar. Besoekers aan die Lodge kan uitsien na ‘n avontuurlustige 4x4 roete, ‘n asemrowende piekniek langs die beeldskone waterval en die idiliese rotsswembad waarin besoekers lekker kan afkoel in die somermaande. Van lekker gesinsvakansies tot ‘n romantiese troues. Waterfall Safari Lodge beskik ook oor ‘n aangename en baie gewilde restaurant, 6 slaper gastehuis en karaktervolle houteenhede wat slaapplek bied vir twee tot vier gaste. Die kampeerterrein is slegs vir 4x4 karavane, klein en intiem waar jy die naggeluide nog suiwer kan hoor.


Copyright © VakansiePlekke 2021 - All rights reserved.  |  Privacy Policy