Screen Size

VOLG ONS IDEES OM DIE LEKKERSTE VAKANSIE OF WEGBREEK TE BEPLAN!

ROMANTIESE WEGBREEK

Wat ookal jou liefdestaal is, ons bied ’n groot verskeidenheid Cupido-waardige opsies vir jou volgende knieë-knak bestemming.

RIVERVIEW SPA AND BED & BREAKFAST (MULDERSDRIFT)

Hier kan besoekers uitsien na 'n rustige, landelike atmosfeer op die oewer van die pragtige Krokodilrivier. Die spa bied halfdag- of voldagpakkette wat maaltye insluit. Die restaurant op die perseel bedien ontbyt en ander heerlike maaltye. Riverview Spa is 'n ideale wegbreekbe-stemming vir geliefdes, familie, of vriende om saam tyd te spandeer. Laat die rustige water en die skoonheid van die natuur jou van jou voete afvee en die sorge van die wêreld wegdoen. Die omgewing is perfek om die spesiale persoon in jou lewe te bederf, so kom geniet die borrels in die jacuzzi en 'n private piekniek by verskillende piekniekplekke met 'n uitsig op die rivier. Die 6 chalets op die perseel is privaat en ideaal om in oor te bly na 'n heelike Spa-dag of net vir 'n wegbreek van die besige stad.


LETSATSI GAME LODGE (SUID- VRYSTAAT)

Ondek ’n stukkie ongerepte hemel-op-aarde. In die hartjie van die Suid-Vrystaat, bied Letsatsi Game Lodge ’n toevlug vir natuurliefhebbers en fynproewers. Wat ookal jou behoefte is, hier kan jy kieskeurig wees - ’n Wildsreservaat, hooflodge, boskampe, luukse grasdak-chalets en spanboufasiliteite is alles tot jou beskikking. Snoesig tussen die heuwels lê die boskamp met 20 luukse tweepersoon-tente, met abslusiegeriewe, terwyl die hooflodge jou innooi na 28 grasdak-chalets met ’n verskeidenheid slaapopsies vir paartjies. Besigtig voëls en springbok tot eland en kameelperd in safaristyl of span uit onder die sterre vir ’n rustige romantiese aandjie.


B'SORAH LUXURY TENTED CAMP (NOORD-WES)

B'sorah is die tuiste van 'n luukse tentkamp en rustieke kampeerplekke, omring deur die natuurlike landmerke van die Magaliesberge. Ons omgewingsvriendelike toevlug is perfek vir gaste wat die toerisme-aantreklikhede en geluide van die gebied wil verken, of die plaas te voet of per fiets wil verken. Natuur paradys waar jy kan ontspan. Na ‘n opwindende dag van verkenning, kan jy terugkeer na die gemak van jou eie privaat safari tent en luister na die kwartels se roep terwyl die son sak. B’sorah is die perfekte plek om die fyner dinge in die lewe te waardeer, terwyl ons vriendelike personeel uitsien om jou te verwelkom en so tuis as moontlik te laat voel.


ITAGA PRIVATE GAME LODGE (LIMPOPO)

Itaga Lodge is ‘n luukse privaat lodge geleë in die Mabalingwe Natuurreservaat, ‘n 12 000 hektaar malaria –vrye wildsreservaat buite Bela Bela. Itaga het 'n trotse reputasie as 'n eksklusiewe 4-ster-lodge waar onderbeklemtoonde elegansie weerspieël word wat ideaal is vir romantiese wegbreke. Die groot 5 kan op die reservaat besigtig word tydens aktiwiteite, waarvan die leeus in kampe besigtig kan word. Verskeie ander aktiwiteite word in die omliggende omgewing aangebied vir die avontuurlistige gene. Itaga beskik oor 8 luuks, moderne Afrika-styl en-suite chalets. Elke kamer het 'n privaat pergola-bedekte patio en die meeste van die kamers is ingerig met privaat buite-bosstorte. Die grasdak-gedeelte wat die kern vorm van die hooflodge het 'n romanties ingerigte eetarea, 'n intieme leefarea met 'n ken-merkende kaggel, ‘n kroeg en 'n uitkykdek wat uitsigte bied oor die watergat. ‘n Nuut opgerigte Spa-kamer met gekwalifiseerde terapeute en ‘n oefenkamer is op die perseel geleë.


RIVERSTONE LODGE (MULDERSDRIFT)

Slegs ’n klipgooi vanaf Lanseria lughawe, wag ’n stukkie lafenis vir jou siel. Ontsnap uit die stad en neem die pad na Riverstone Lodge in Muldersdrift - ’n onvergeetlike oase langs die wal van die Krokodilrivier. Riverstone Lodge bied pragtige ruim kamers omring deur prentjiemooi tuine en koi-dammetjies. Opsies vir akkommodasie sluit in Executive suites met ’n private balkon, ’n Superior suite met ’n private plaspoel en tuin, Junior suite met ’n private plaspoel, ’n rolstoelvriendelike familie opsie en standaard kamers met ’n patio wat jou uitlei na die swembad. Bespreek jou tafel by Driftwood restaurant vir ’n rustige aandjie uit met ’n tikkie Portugal!


TSITSIKAMMA LODGE AND SPA (OOS KAAP)

Tsitsikamma Lodge en Spa is geleë aan die voete van die skilderagtige Tsitsikamma-bergreeks in die dorp Stormsrivier in die Oos-Kaap. Hout vanuit die plaaslike bos is gebruik om dié spesiale lodge, met losstaande houthutte van verskillende groottes, te bou. Die houtstomp-afwerking skep ‘n ongekunstelde gevoel aan die binnekant van die 32 goedtoegeruste houthutte, wat elk met ‘n spa-bad, privaatdek en braaifasiliteit toegerus is. ‘n Pragtige swembad, nabygeleë bergstrome en ‘n verkwikkende spa-ervaring bied ‘n onvergeetlike lafenis,  terwyl ‘n potjie tafeltennis in die speletjieskamer of ‘n staproete op een van die talle voetslaanpaaie nie te versmaai is nie. Gaste kan kies en keur uit van die heerlike geregte op die spyskaart van die restaurant, ‘n braai op die dek of ‘n self-voorbereide ete in ‘n houthutkombuisie.


LA DOLCE VITA GASTEHUIS

'n Romantiese naweek gevul met Italiaanse invloed, omring deur die blou waters van die bekende Hartbeespoortdam is 'n bestemming soos min ander. Maar romanse is nie al wat hierdie gastehuis bied nie. La Dolce Vita het 'n reeks aktiwiteite om van te kies. Romantiese bootritte, golf, kabel-karretjies en lugballon ritte is 'n handjievol van aktiwiteite wat jou naweek sommer vinnig-vinning sal inkleur. Nie lus is vir 'n besige naweek nie? Kom ont-span gerus tussen die wit linne en borrel-baddens terwyl jy sluk-sluk aan jou keuse van champagne die son sien sak oor die horison. Kom neem die beste van 'n onvergeetlike naweek saam jou geliefde. Romantiese naweek pakette of selfs in die middel van die week is La Dolce Vita gereed vir fine dining, vriendelike gasvryheid, luukse kamers en bootritte. Al hierdie terwyl jy 'n massering kan bespreek in die gemak van jou eie kamer.


BLEU COBALT FRANSCHHOEK

Franschhoek is ‘n unieke dorpie wat nie net asem rowend mooi is nie, maar ook van die wêreld se bekendste wynplase huisves. Dis nie sommer elke plek wat gaste verwelkom met ‘n plaaslike bottel wyn nie, maar dis presies wat die selfsorg Bleu Cobalt Cottage vir elke gas aanbied. Natuurlik gaan dit gepaard met gerieflike verblyf vir twee gaste wat uit een slaapkamer, een bad-kamer, ‘n oopplan kombuisarea asook leefarea bestaan. Die slaapkamer bied ‘n dubelbed met deure wat uitloop tot in die romantiese tuintjie en privaat swembad. Franschhoek is slegs ‘n uur se ry van Kaapstad af en spog met restaurante van bekende sjefs en wynplase waar ‘n wynproe sessie vining in ‘n lewenservaring verander. Bleu Cobalt Cottage in Franschhoek dien as die perfekte basis om ander dorpe in die omgewing soos die Paarl en Stellenbosch ook te besoek.


CASA TOSCANA EN RESTAURANT (GAUTENG)

Casa Toscana bied 'n wye verskeidenheid luukse kamers aan wat voldoen aan al die vereistes vir n wegbreek aand vir die romantiese paartjie. Die kamers is ideaal vir romantiese naweekuitstappies met 'n klassieke, dromerige atmosfeer wat beklemtoon word deur spesiaal vervaardigde pakkette. Casa Toscana se kamers is 'n perfekte kombinasie van moderne gerief en romantiese Toskaanse karakter wat 'n perfekte gemaklike verblyf verseker. Met die LeSi A la Carte Restaurant op die perseel, ‘n wyn kelder vir ongelooflike wynproe aande, die Blou Hond Teater en ons “Chianti Tent” Venue, is Casa Toscana die ideale venue vir vermaak en gerief. 



WILDEHONDEKLOOF (OUDSHOORN) WES-KAAP

‘n 4000 Hektar Game Lodge wat sagkuns op die oog val naby geleë  aan Oudsthoorn, Wes-Kaap, met 8 luukse kamers en 1 privaat luukse suite wat uitloer oor die Swartberge. Elkeen van hierdie luukse kamers is toegerus met lugverkoeling sowel as en-suite badkamers. Wildehondekloof is ‘n bestemming soos geen ander. Met uitsigte oor berge en riviere belowe ‘n vleisie oor die kole om ‘n permanente indruk op enige vakansieganger te maak. Verniet Wi-Fi stel besigheidsmanne in staat om Wildehondekloof ten volle te gebruik vir ‘n wegbreek en ook perfek is vir ‘n romantiese wegbreek. Kom geniet die Wes-Kaap by dit beloof om ‘n ervaring van ‘n leeftyd te wees.



Copyright © VakansiePlekke 2021 - All rights reserved.  |  Privacy Policy