Screen Size

VOLG ONS IDEES OM DIE LEKKERSTE VAKANSIE OF WEGBREEK TE BEPLAN!

TOP 10 SPA BESTEMMINGS

Ontspan en vind ontvlugting van die gejaag van die lewe met ons spa afdeling. Een spa-sessie en jy sal jouself verbeel jy is op ‘n tropiese eiland waar geen kommer jou lastig kan val nie. Gee om vir jouself en kikker jou gemoed op met ‘n spa-sessie van jou keuse. Elke meisie droom van ‘n verassing waar sy weg geneem word om bloot net bederf te voel met ‘n massering en facial terwyl sy ‘n glasie champanje in die hand het. Is jy ‘n bruid en wil graag ‘n dag van onstpanning en mooimaak geniet saam met jou strooimeisies? Een sessie by ‘n spa smelt al jou stress saggies weg. Kom vind jou pad na ‘n oase van bederf en herlaai jou liggaam, gees en siel.

RIVERVIEW SPA AND BED & BREAKFAST

Hier kan besoekers uitsien na 'n rustige, landelike atmosfeer op die oewer van die pragtige Krokodilrivier. Die spa bied halfdag- of voldagpakkette wat maaltye, hidroterapie en tussen vier tot ses ure van spa-behandelings insluit. Die restaurant op die perseel bedien ontbyt en ander heerlike maaltye. Besoekers kan ook gebruik maak van die oord se swembad en gastesitkamer en uitsien na vele heerlike doendinge in die omgewing. Riverview Spa is 'n ideale wegbreek-bestemming vir geliefdes, familie, of vriende om saam tyd te spandeer. Laat die rustige water en die skoonheid van die natuur jou van jou voete afvee en die sorge van die wêreld wegdoen. Die omgewing is perfek om die spesiale persoon in jou lewe te bederf, so kom geniet die borrels in die jacuzzi en 'n private piekniek by verskillende piekniekplekke met 'n uitsig op die rivier. Die ses chalets op die perseel is privaat en ideaal om in oor te bly na 'n heelike Spa-dag of net vir 'n wegbreek van die besige stad.



CRADLE HEALTH SPA (HARTBEESPOORT) NOORD-WES

Poegaai van die gejaag in die stad en uitgehonger vir ’n ordentlike bederfsessie? Of benodig jy 'n lafenis vir herstel van gees en vlees? Pak sommer nou jou naweektas, want Cradle Health Spa is die oase waarna jy smag. Slegs 20 minute vanaf Lanseria en 45 minute vanaf Sandton en Pretoria wag hierdie droombestemming teen die hange van die Magaliesberg in die pragtige Hartbeespoort. Wees verseker van ’n onvergeetlike wegbreek met 12 luukse oornag kamers wat ingerig is vir die toppunt van gemak en ontspanning. Met ’n holistiese benadering tot goedvoel en gesondheid is Cradle Health Spa ook nommerpas vir ’n romantiese vakansie of wegbreek. 



VUSALELA SPA (TUSSEN PRETORIA EN JOHANNESBURG)

Verbeel ‘n rug massering terwyl jy stadig in droomland in en uit glip. Dalk sommer met ‘n verversing of twee byderhand. Klink aanloklik? Dan is Vusalela Dag Spa die plek vir jou. Naby gelee aan Johannesburg en Pretoria, maar ver genoeg om te voel die stad word agterlos, sorg Vusalela daagliks vir ontspanning vir gelukkige kliente. Vusalela se pakette sluit ontbyt en middagetes in en varieer van enigeiets van hand masserings regdeur tot ‘n voldag vol liggaam massering. Vusalela maak ook voorsiening vir partytjies indien enigeiemand wil kom ontspan om die plooie so bietjie terug te druk. ‘n Uitnemende spa, met uitnemende diens en uitnemende pryse.


SPA AT RIVIERA ON VAAL (VEREENIGING)

Riviera on Vaal Spa verwelkom jou met ontspannende, gespesialiseerde behandelings en produkte. Daar is ’n wye keuse van wonderlike masserings, gesig-behandelings, manikure en pedikure om jouself te geniet en totaal te laat ontspan. Die Riviera on Vaal Spa-span is spesifiek opgelei met jou totale gemak in gedagte in n rustige omgewing.Gekwalifiseerde terapeute is vaardig in 'n verskeidenheid behandelings om totale tevredenheid te waarborg. Bederf jouself en jou maat vir 'n ontspannende paartjie-behandeling. Skakel af en herlaai jou batterye by Riviera on Vaal Spa. 



Copyright © VakansiePlekke 2020 - All rights reserved.  |  Privacy Policy