Screen Size

VOLG ONS IDEES OM DIE LEKKERSTE VAKANSIE OF WEGBREEK TE BEPLAN!

TOP 30 BESTEMMINGS IN SA

Hier is iets vir elke sak en smaak...van luukse akkommodasie, bekostigbare selfsorg-verblyf, kamp, vakansieoorde, romantiese wegbreek, spa bestemmings, hotelle, lodges en nog vele meer.

LA PROVENCE D'AFRIQUE (MAGALIESBURG)

Viva la France! Wat ‘n uitdrukking… een wat, vir meeste van ons, so ver weg klink. So duur, so moeilik bekombaar maar tog so aanloklik! Wel, in die hartjie van Magaliesburg rus daar ‘n ontluikende Franse reus met die naam ‘La Provence D’Afrique’. ‘n Moderne Frans-tema gastehuis opgestop met Franse kunswerke, waterwerke en Franse dekor wat ‘n mens tot in die hartjie van Parys neem binne ‘n oomblik. ‘n Spa, ‘n begeleide berg staproete en ideale piekniek spots is ‘n toonbeeld van hierdie asemrowende gastehuis slegs ‘n uur vanaf Johannesburg. Die Franse afronding spoel oor in die smullekker geregte wat voorgele word – eenders in sy soort vir Suid-Afrika, tog alledaags in Frankryk. La Provence D’Afrique – ‘n titsel Europese romanse in die hartjie van ons geliewe Afrika.



SEEFRONT SOLDERS (HARTENBOS)

Seefront Solders is jou luukse tuiste langs die tuinroete. Die Solders bied 9 premium, hotel-styl suites aan gerieflik geleë binne Hartenbos Seefront. Die suites is 45 meter loop-afstand van die see af en het al die nodige fasilliteite beskikbaar vir jou gerief. Met die see wat amper reg rondom jou is en die vars Kaapse seelug deur jou hare, bied Seefront Solders verskeie luukse verblyfspakette met bed en ontbyt by uitgesoekte restaurante. Gaste kan uitsien na topgehalte restaurant, boetiek-styl winkels, ontspanningsfasiliteite en pragtige natuurtonele wanneer hulle met ongekende gasvryheid hier verwelkom word. Die suites is ideaal vir paartjies wat ‘n romantiese wegbreek wil geniet, sakemanne en sakevroue asook vir konferensiegangers. 



HERMANUS LODGE ON THE GREEN

Hermanus Lodge on the Green is aan die voet van die majestueuse Overberg -bergreeks geleë en is ideaal om die pragtige stad Hermanus te verken. Die lodge kyk uit oor die 25ste setperk van die gewilde Hermanus -gholfbaan en is net 'n paar minute van die ongerepte strande, die wêreld-bekende Cliff Path af, asook die restaurante en boetiekwinkels in die dorpie. Ons 7 pragtig inge-rigte en suite -slaapkamers is onder die beste akkommodasie in Hermanus. U kan ontbyt geniet met die uitsig oor die gholfbaan of buite op die swembadterras. Laat middae kan u in ons gemaklike sitkamer met sy uitnodigende oop kaggel deurbring terwyl u kyk hoe die skaduwees op die fairway verleng. Ons sondeurdrenkte swembad met sy pragtige uitsig op die berge is die perfekte plek om 'n somermiddag deur te bring.




KOSI BAY LODGE (KZN)

Kosi Bay Lodge bied iets baie skaars aan sy gaste: die lekkerte van die bos en al sy bekoorlikhede reg op die oewer van die Nhlange-meer. Die lodge bied iets vir elkeen aan – of jy nou op pad is na Mosambiek en ‘n rusplek soek op die langpad, of die wêreldbekende iSimangaliso-Vleilandpark wil verken. Gaste kan kies tussen kamers, gerieflike tente of chalets wat elkeen oor sy eie swembad beskik. Kosi Bay Lodge spog met ‘n groot restaurant, konferensie geriewe asook ‘n heerlike swembad met ‘n dek wat ideaal is vir ‘n skemerkelkie net voor aandete. Beide selfsorg en die restaurant is beskikbaar vir gaste. Alle chalets beskik oor kombuise wat ten volle toegerus is met ‘n braai area of boma. By Kosi Bay Lodge kan jy met opgewondenheid uitsien na ‘n gemaklike informele wegbreek in ‘n pragtige Wêreld Erfenisterrein.  



CLUB MYKONOS (LANGEBAAN)

Club Mykonos strandoord in Langebaan is 'n stukkie outentieke Griekeland aan die Kaapse Weskus. Hierdie gesinsvriendelike bestemming is geleë op die rustige oewer van die skilderagtige Langebaan-strandmeer en bied 'n unieke opsie vir familie-vakansies, konferensies, spesiale geleenthede en nog meer. Die oord bied gaste die opsie van drie smaakvolle akkommodasie aanbiedinge, wat drie-ster en vier-ster Preferred-eenhede insluit. Daar is ook 'n wye verskeidenheid van dinge om te sien om te doen, ry vierwielmotorfiets saam met die kinders, geniet 'n seekosmaaltyd by een van die oord se liplek-restaurante of spandeer die dag op die strand.


LETSATSI GAME LODGE (SUID- VRYSTAAT)

Ondek ’n stukkie ongerepte hemel-op-aarde. In die hartjie van die Suid-Vrystaat, bied Letsatsi Game Lodge ’n toevlug vir natuurliefhebbers en fynproewers. Wat ookal jou behoefte is, hier kan jy kieskeurig wees - ’n Wildsreservaat, hooflodge, boskampe, luukse grasdak-chalets en spanboufasiliteite is alles tot jou beskikking. Snoesig tussen die heuwels lê die boskamp met 20 luukse tweepersoon-tente, met abslusiegeriewe, terwyl die hooflodge jou innooi na 28 grasdak-chalets met ’n verskeidenheid slaapopsies vir paartjies. Besigtig voëls en springbok tot eland en kameelperd in safaristyl of span uit onder die sterre vir ’n rustige romantiese aandjie.


TO STRAND (PORT EDWARD KZN)

TO Strand is 'n uitsonderlike vakansieoord in Leisure Bay, KwaZulu-Natal, binne trefafstand van Port Edward. Hier kan vakansiegangers uitsien na gesinsvriendelike selfsorg-akkommodasie en 'n groot verskeidenheid doendinge wat selfs die mees kieskeurige lid van die gesin sal vermaak. Verblyf word verskaf in die vorm van een- en twee-slaapkamer chalets, en besoekers is ook welkom om gebruik te maak van kampeergeriewe as hulle die woonwa wil saambring. Die oord se vermaak-opsies sluit mini-golf, vlugbal, tennis, visvang, branderplankry, staproetes, bergfiet-sroetes en kayak-ry in. Daar is ook twee swembaddens, vakansieprogramme vir die kinders in seisoen, 'n restaurant, kroeg en winkel op die perseel.



DE ZEEKOE (OUDSHOORN)

‘n Wegbreek by De Zeekoe buite Oudtshoorn in die Klein Karoo is 'n perfekte geleentheid om die natuurskoon en stilte van die Karoo te kom geniet. De Zeekoe het drie volledig toegeruste luukse kothuise wat ‘n wegbreek in die Karoo ‘n luukse ervaring bied. Die eenhede is selfsorg en kom met al die luukshede wat verwag kan word; mini-kroeg, gratis Wifi, lugversorging wat koud gaan in die warm dae en warm gaan in die koue nagte en selfs ‘n binne- en buite braai. Daar is ook ‘n swembad vir die eksklusiewe gebruik vir die kothuise se inwoners om af te koel. Ontbyt word soggens bedien in die hoof restaurant en daar is ‘n groot verskeidenheid om van te kies. Daar is piekniek areas, wildritte, fiets-ry roetes, kanovaart en bring jou eie visvang gereedskap en jy kan ‘n lyntjie in die water gooi.


MABALINGWE WILDSRESERVAAT (NOORD-WES)

Die baie gewilde Mabalingwe Wildreservaat is slegs 90 minute van Pretoria af en bied bekostigbare verblyf vir paartjies, gesinne en groepe. Die malaria-vrye bosveld wat in die skaduwee van die Waterberge geleë is, beskik oor ‘n magdom voëls en wilde diere. Gaste kan die wild van nader beleef op ‘n wildsrit wat hulle self onderneem of met ‘n professionele gids op ‘n wildsbesig-tigingsvoertuig. Die wildreservaat beskik ook oor ‘n groot swembad, mini-gholfbaan, winkel, restaurant en kampeerarea vir beide tente en karavane. Vier van die privaat lodges wat te huur is bied luukse privaat geriewe aan wat ideaal is vir groepe gaste kan uit die vier opsies die een kies wat meeste na hul smaak en begroting is. Die lodges is ‘n hele ent uit mekaar so privaatheid is gewaarborg. Mabalingwe is die ideale plek vir ‘n naweek wegbreek saam met vriende of familie. 



B'SORAH LUUKSE TENT KAMP (HARTBEESPOORT)

B'sorah is die tuiste van 'n luukse tentkamp en rustieke kampeerplekke, omring deur die historiese en natuurlike landmerke van die Magaliesberge. Ons omgewingsvriendelike toevlug is perfek vir gaste wat die toerisme-aantreklikhede en geluide van die gebied wil verken, of die plaas te voet of per fiets wil verken. Natuur paradys waar jy kan ontspan. Die Hartbeespoort Dam en naby besienswaardighede is alles naby. Na ‘n opwindende dag van verkenning, kan jy terugkeer na die gemak van jou eie privaat safari tent en luister na die kwartels se roep terwyl die son sak – die perfekte manier om die aand om die vuur te begin. B’sorah is die perfekte plek om die fyner dinge in die lewe te waardeer, terwyl ons vriendelike personeel uitsien om jou te verwelkom en so tuis as moontlik te laat voel.


ARENDSIG VILLA (BELA-BELA)

ArendSig Villa is 'n afgesonderde selfsorg-wegbreekplek vir gesinne in die Mabula Wildreservaat. ArendSig is die perfekte plek vir vriende en familie wat op soek is na 'n luukse wegbreek in die bosveld. Die villa beskik oor 4 dubbel-kamers met pragtige en suite-badkamers, elk met 'n bad en stort. Daar is ook privaat buitelug-storte. Die kombuis is volledig toegerus en daar is 'n oopplan-sitkamer en -eetarea, asook 'n biblioteek. Daar is ook 'n pooltafel, gimnasium toerusting, TV met sekere DStv-kanale en DVD-speler. Daar is 'n ysmasjien. Nespresso koffiemasjien en skottel-goedwasser vir gaste se gerief en 'n daaglikse skoonmaakdiens. Gaste het toegang tot 'n swembadkamer met 'n stoom-sauna, swembad en Jacuzzi. Die lapa is ideaal vir braai en aandete onder die sterre. Vuurmaakhout word voorsien.'n Voertuig en wildbewaarder is beskikbaar vir opwindende, privaat wildritte.


WOODLANDS HEALING SPA (MULDERSDRIFT)

Woodlands Spa is aan die oewer van die Krokodilrivier in die hartjie van Muldersdrift geleë. Dit is die perfekte omgewing om van die besige stadslewe te ontsnap. Woodlands Spa is 'n juweel, van die oomblik as jy by ons deure inloop, is dit asof jy by die poort van die hemel aangekom het. Ons terapeute is almal hoogs opgelei om te verseker dat jy die mees sublieme ontspannings- en genesingservaring kry. Woodlands Wellness Retreat is ‘n vakansie waarna jou siel smag. Kom weg van alles en maak ruimte om te konsentreer op wat regtig belangrik is - jou gesondheid en geluk. Ons pragtige spa en toevlugsoord is die perfekte plek om te ontspan. 



MBIZI GAME LODGE & SPA (LIMPOPO)

’n Perfekte wegbreek van die besige stadsrumoer, is Mbizi uitgeknip vir ‘n familie vakansie, ‘n of ‘n vriendegroep wat nuwe herinneringe wil opteken. Verblyf opsies strek vanaf karavaan staanplekke met private ablusie geriewe en selfs met jou eie Jacuzzi, eko-vriendelike boskampe, selfsorg eenhede Tenthuise en Bergvillas. Verder spog Mbizi met ‘n reeks aktiwiteite, soos ‘n wye verskeidenheid voël spesies,eksotiese wild , 4X4 Berg roetes , bergfiets-roetes, onder dak verhitte swembaddens, staproetes, naby geleë aan golfbane en vele meer. Begin jou dag deur die vangs van die dag te vang in talle damme, ontspan by die Bophelo Spa en rond die dag af met ‘n skemerkelkie by die bekende Klipgat Cocktail bar waar jy binne in die swembad sit , Mbizi het dit alles!


GOODERSON KLOPPENHEIM COUNTRY ESTATE (DULLSTROOM)

Landelike luuksheid net buite Dullstroom – dis wat Gooderson Kloppenheim Country Hotel aan al sy gaste bied. Of jy nou ‘n konferensie wil hou, wil trou, ‘n romantiese ete geniet of ‘n familiefees – hier is iets vir almal. Selfs die wat daarvan hou om aktief te wees sal Gooderson Kloppenheim Country Hotel se ses foreldamme, staproetes, bergfietsroetes, vlugbal en boogskut geniet. As jy meer die tipe is wat daarvan hou om so min as moontlik te doen, is ‘n luilekker dag langs die swembad of ‘n sessie by die spa net die ding vir jou. Daar is drie verskillende verblyfopsies om van te kies, waarvan een ‘n selfsorg opsie is. Die restaurant bedien smullekker disse en die kroeg is ideaal vir ‘n knertsie na ete. Die hele hotel is stylvol gemeubileer en toegerus met bekostigbare luukshede. 


RIVERSTONE LODGE (MULDERSDRIFT)

Slegs ’n klipgooi vanaf Lanseria lughawe, wag ’n stukkie lafenis vir jou siel. Ontsnap uit die stad en neem die pad na Riverstone Lodge in Muldersdrift - ’n onvergeetlike oase langs die wal van die Krokodilrivier. Riverstone Lodge bied pragtige ruim kamers omring deur prentjiemooi tuine en koi-dammetjies. Opsies vir akkommodasie sluit in Executive suites met ’n private balkon, ’n Superior suite met ’n private plaspoel en tuin, Junior suite met ’n private plaspoel, ’n rolstoel-vriendelike familie opsie en standaard kamers met ’n patio wat jou uitlei na die swembad. Bespreek jou tafel by Driftwood restaurant vir ’n rustige aandjie uit met ’n tikkie Portugal!


THE MANOR FARMHOUSE (OUDSHOORN)

The Manor Farm House is slegs 7 km buite Oudtshoorn op die bekende Zeekoegat Plaas. Die besonderse vakansiehuis is 'n spesiale stukkie paradys met 'n wonderlike, rustige atmosfeer wat tipiese, Suid-Afrikaanse hartlike gasvryheid het om aan te bied. Geniet 3 ruim slaapkamers, 4 badkamers, groot leefarea met skuif agterdeure na die tuin. Die huis is ideaal vir 1 groot - of selfs 2 gesinne. Die onthaalgebied het 'n bankstel, eettafel en ingeboude braaiplek en goed toegeruste kombuis. Fasiliteite: braai plek, buite swembad,kaggel,kombuis,parkering op die terrein,tee/koffie fasiliteite, gratis Wifi. Dis werklik 'n heerlike vakansie huis et die uitleg wat gemik is daarop om gerieflik te wees. Families vind goud in mekaar met elke wegbreek saam.


WILDEHONDEKLOOF (OUDTSHOORN) WES-KAAP

‘n 4000 Hektar Game Lodge wat sagkuns op die oog val naby geleë  aan Oudtshoorn, Wes-Kaap, met 8 luukse kamers en 1 privaat luukse suite wat uitloer oor die Swartberge. Elkeen van hierdie luukse kamers is toegerus met lugverkoeling sowel as en-suite badkamers. Klink dit nie na die perfekte vakansie nie? Wildehondekloof is ‘n bestemming soos geen ander. Met uitsigte oor berge en riviere belowe ‘n vleisie oor die kole om ‘n permanente indruk op enige vakansieganger te maak. Verniet Wi-Fi stel besigheidsmanne in staat om Wildehondekloof ten volle te gebruik vir ‘n wegbreek konferensie, terwyl diè bestemming ook perfek is vir ‘n romantiese wegbreek. Kom geniet die Wes-Kaap by Wildehondekloof, dit beloof om ‘n ervaring van ‘n leeftyd te wees.



THE PEARLS OF UMHLANGA

Die Capital Pearls, in die hart van Umhlanga, tree uit u huis en binne die luukse omgewing van die Capital Pearls Hotel, met swembaddens, kroeg, jacuzzi, sondek en kinder speel area maak hierdie n ervaring vir jonk en oud! The Capital Pearls spog met meer as 16 restaurante om van te kies, van vars seekos tot die sappigste biefstuk! The Capital Pearls se kontemporêre woonstelle bied die perfekte balans tussen huisgerief en die luuksheid van n vakansie oord. Die balkonne is toegerus met gemaksstoelle om die varse seebries te kan geniet. Gekoppel met die beeldskone kuslyn, bied The Capital Pearls die perfekte wegbreek!


BADPLAAS A FOREVER RESORT (MPUMALANGA)

Hierdie bekroonde Mpumalanga oord is geleë in die Emanzana Natuurreservaat, en is bekend vir sy warm mineralebron, en is slegs 2.5 uur se ry van Gauteng af. Akkomodasie behels 48 hotel-kamers, 161 selfsorg chalets en 300 karavaanstaanplekke wat toegerus is met kragpunte. Die kamp bied uiters netjiese ablusie fasiliteite, wat ook ‘n fasiliteit vir gestremde persone insluit. Die natuurreservaat kan verken word deur te bespreek vir een van ons gewilde wildritte, u kan dit ook in u privaatvoertuig, of selfs te perd verken. Die reservaat het talle bok en voëlspesies, sowel as kameelperde. Vir jou ontspanning kan jy kies uit die talle watersport-geriewe, soos waterglybane, die Rinkhals, sowel as mineraalwater warm en koue swembaddens. 


GOODERSON NATAL SPA (KWAZULU-NATAL)

‘n Oase in die hartjie van KwaZulu-Natal se bosveld wink tussen Vryheid en Paulpietersburg. Die Gooderson Natal Spa Hot Springs & Leisure Resort bied ’n reeks aktiwiteite vir oud en jonk, alles teen die agtergrond van die pragtige Bivanerivier. Ongeag of jy wil vakansie of spanbou hou, jy kan kies uit 54 ruim en gerieflike ensuite slaapkamers of 23 selfsorgeenhede, asook drie goed-toegerusde konferensielokale wat 10-120 mense kan akkommodeer. Verblyfopsies sluit onder andere enkel-, dubbel-, en gesinskamers in. Jy kan ontspan in die Termiese warmwater-swembaddens, ’n oorvloed geveerde vriende besigtig of meer aktief raak met ’n 22km bergfiets- en drafpad, BMX-baan, visvang, perdry, tennis, muurbal of selfs verfbal! Bergfietse en BMX-fietse is te huur by die oord.


BERCHTESGADEN RANCH & FARM (VAALWATER)

Berchtesgaden Game Ranch en Lifestyle Farm is 'n bestemming wat baie geliefd is deur plaaslike reisigers weens sy ongerepte ekosisteme, 'n oorvloed wild, die volhoubare boerderymetodes en luukse akkommodasie - alles binne twee uur vanaf OR Tambo Internationale lughawe. Dit alles word gekombineer om 'n ervaring buite die stad te skep waar gaste tuis kan voel en al ons geriewe en aktiwiteite kan benut terwyl die ongerepte natuur ervaar word. Die Ranch & Farm is twee afsonderlike entiteite wat in harmonie mekaar aanvul. By die Lodge en wildsplaas sal gaste verlore raak in die ongerepte skoonheid van die Afrika-bos en die oorvloed van verskeie spesies wild met 'n menigte aktiwiteite en avonture. Net aan die oorkant van die teerpad by die Lewenstyl Boerplaas sal die kommersiële boerdery aktiwiteite gevind word waaruit ook baie van die etes wat u sal nuttig voorberei word. 


GOODERSON KNYSNA CHALETS (KNYSNA)

Knysna Chalets is ideaal geleë om die pragtige dorp Knysna, die lagoon en die koppies te besoek. Die oord spog met ‘n speletjieskamer, kinderspeelgrond en swembad. Elke chalet beskik oor ‘n koningin-grootte bed, ‘n slaapbank, bad, stort, toilet, haardroër, verwarmer, ekstra linne, TV met DStv, borde en eetgerei, yskas, mikrogolfoond, stoof, privaat braai area en braai geriewe. Die chalets is selfsorgeenhede en ideaal vir gesinne wat die mooi Tuinroete wil verken. Knysna Chalets vorm deel van die Gooderson Leisure groep wat bekend is vir kwaliteit en bekostigbare gerieflikheid. Bring die gesin en ontdek alles wat Knysna het om te bied.



CASTELO DO MAR (MOSAMBIEK)

Heel aan die einde van die Linga-Linga skiereiland by die Inhambane-baai sal jy die voortreflike Castelo do Mar vind. Dis hier waar daar geen einde aan luuksheid, privaatheid en pragtige strande is nie. Kies jou gunsteling uit die 20 elegante en-suite kamers wat almal lugversorgers bevat. Geniet ‘n verskeidenheid van aktiwiteite soos diepsee visvang, skubaduik, waterski en kanovaart. Ontsnap na ander wêrelde in die toegerusde biblioteek of ontdek jou geesdrif in die speletjies-kamer. Castelo do Mar is reg op die strand geleë en is geskik vir elke lid van die gesin. Kies tussen drie etes per dag, selfsorg of ‘n kombinasie van die twee. Die swembad en kroeg sal bydrae tot ‘n onvergeetlike vakansie by Castelo do Mar.

 



FOREST CREEK LODGE & SPA (DULLSTROOM)

Forest Creek Lodge is elke natuurliefhebber en stiltesoeker se droombestemming. Oud of jonk, gesin of pasgetroud sal hier ’n betowerende wegbreek vind wat alles bied van staproetes, perdry en nabye besienswaardighede soos God’s Window, Sabie en die Nasionale Krugerwildtuin, tot sterrekyk, spabederf, piekniek in die woud of bad in die bos. Jy kan kies uit vyf luukse suites of vier selfsorgeenhede. Die Luxury suites bied opsies van afgesonderde private hoekies in die bos met koningsgrootte beddens en buitelugstorte tot kaggels in jou kamer en ’n bad groot genoeg vir twee! In al die kamers wag kraakvars linne, en ’n asemrowende uitsig vir jou. Forest Creek is perfek vir paartjies, gesinne of ’n naweek saam met vriende. Met braaigeriewe, stoep en bomekoepel beloof elke besoek lewenslange herinneringe. 


Copyright © VakansiePlekke 2021 - All rights reserved.  |  Privacy Policy